Ríkið hefur sótt um lánsheimild hjá Þróunarbanka Evrópu vegna Grindavíkur. Heildarkostnaður stefnir í 100 milljarða. Fyrirtækjaeigendur eru ósáttir við stuðningsfrumvarp ríkisstjórnarinnar.
Forstjóri Hafrannsóknastofnunar segir ákveðið áhyggjuefni að þorskarnir í hafinu í kringum Íslands séu að léttast. Stofnunin leggur til lítilsháttar aukningu á þorskveiðum á næsta fiskveiðiári.
Matvælaráðherra segir Vinstri græn staðráðin í að ljúka ríkisstjórnarsamstarfinu.
Harðlínuflokkar frá hægri bæta líklega við sig fylgi í kosningum til Evrópuþingsins, sem hófust í gær.
Framkvæmdastjórn ESB mælir með formlegum aðildarviðræðum við Úkraínu og Moldóvu. Ríkin uppfylli skilyrði sem sambandið setti.
Agaleysi í íslenskum skólum er ein af ástæðum versnandi námsárangurs drengja, samkvæmt nýrri skýrslu.
Óveðrið í vikunni hefur farið illa með æðarvörp á Austfjörðum. Dúnninn getur eyðilagst í langvarandi kulda og bleytutíð. Í stærsta æðarvarpi landsins fuku hreiður og fóru á kaf í vatnavöxtum.
Strandveiðisjómenn hittast á kröfufundi á Austurvelli í hádeginu. Þeir krefjast þess að veiðiheimildir þeirra dugi út tímabilið.
Langstökkvarinn Daníel Ingi Egilsson var í morgun hársbreidd frá því að komast í úrslit á EM í frjálsum. Hann stökk 7,92 metra en átta metra þurfti til.
