Hádegisfréttir

Hádegisfréttir 18. apríl 2024

Flóknar samningaviðræður við lánastofnanir hafa tafið gerð kaupsamninga við Grindvíkinga. Framkvæmdastjóri Þórkötlu segir að það hafi verið mikil bjartsýni að ætla að afgreiða fasteignakaupin á nokkrum vikum. Kaup hafa verið samþykkt á 126 eignum.

Stórlega hefur dregið úr urðun á sorpi í Álfsnesi. Til skoðunar er að reisa stóra sorpbrennslu hér á landi sem gæti brennt 140 þúsund tonn af sorpi árlega.

Stjórnarþingmenn segja að ríkisstjórn Bjarna Benediktssonar hafi unnið stórsigur þegar vantrauststillaga var felld í gær. Stjórnarandstaðan var sökuð um málþóf og tímaeyðslu á Alþingi í morgun.

Dýraverndunarsamtökin World Wildlife Fund hóta að stefna norska ríkinu fyrir áætlanir um að bora eftir málmum á hafsbotni við strendur Noregs.

Flugvöllurinn í Dubai, sem er næststærsti flugvöllur heims, er nánast óstarfshæfur vegna úrhellisrigningar. Ekki hefur rignt meira þar á einum degi í 75 ár.

Smábátaeigendur lýsa vonbrigðum sínum með óbreyttar reglur um strandveiðar í ár. Þeir vænta þess að nýr matvælaráðherra auki heimildir til veiðanna. Annað sé ávísun á óbreytt ástand.

Mögulega verður hægt að ráðast fyrr í endurbætur á ryðguðu og leku þaki Fjarðabyggðarhallarinnar á Reyðarfirði. Ný lausn til að einangra og klæða þök gæti lækkað kostnað um helming.

Frumflutt

18. apríl 2024

Aðgengilegt til

Rennur ekki út

• 00:01:37 Þórkatla um tafir og mótmæli Grindvíkinga
• 00:03:59 90% samdráttur í urðun á rusli í Álfsnesi
• 00:06:02 WWF hótar málsókn gegn norska ríkinu
• 00:07:46 Ásakanir um málþóf á Alþingi
• 00:09:42 Dæmdur fyrir skotárás í Úlfarsárdal
• 00:10:18 Óbreyttar reglur um strandveiðar
• 00:12:15 Flóð í Dubai
• 00:13:38 Lausn fundin fyrir Fjarðabyggðarhöll
• 00:15:27 Reyndi að láta látinn mann undirrita lán
• 00:16:49 Kuldinn kveður
• 00:18:04 Íþróttir
• 00:20:07 Veður
• 00:20:35 Seinni helst

Útvarpsfréttir.