Aðalmeðferð hófst í morgun í einu umfangsmesta skattsvikamáli sögunnar, kenndu við fiskútflutningsfyrirtækið Sæmark.
Eigandinn gerir alvarlegar athugasemdir við aðkomu skattrannsakanda, sem áður starfaði fyrir hann.
Rússlandsher hefur drepið einn og sært sextán í árásum á Úkraínu síðasta sólarhring. Eitt barn er meðal hinna særðu.
Oddvitar vinstri flokkanna í borgarstjórn halda áfram óformlegum viðræðum um nýjan meirihluta.
Formaður Velferðarnefndar Alþingis segir ótækt að röskun verði á sjúkraflugi vegna lokunar austur-vestur flugbrautar á Reykjavíkurflugvelli. Nefndin fjallaði um málið í morgun.
Miklar bikblæðingar skapa hættu á vegum í Dölunum og á Snæfellsnesi. Svo gæti farið að loka þyrfti ákveðnum vegköflum.
Áætlað er að uppsöfnuð viðhaldsskuld í innviðakerfinu sé um 680 milljarðar króna. Samtök iðnaðarðins segja þörf er á tafarlausum aðgerðum í vega- og fráveitukerfum.
Verð á matvöru fer hækkandi á milli mánaða. Tilbúin vara, sælgæti og kjúklingur vega þyngst í hækkuninni.
Heidelberg hefur kynnt bæjarráði Norðurþings möguleika á að reisa þar mölunarsverksmiðju. Íbúar í Ölfusi höfnuðu verksmiðju í Þorlákshöfn eftir langar viðræður.
Danir láta ásælni Bandaríkjaforseta í Grænland ekki óátalda og svara með króki á móti bragði. Meira en tvö hundruð þúsund danir hafa nafn sitt á undirskriftalista um að kaupa Kaliforníuríki.
Dregið var í undanúrslit bikarkeppni karla og kvenna í handbolta í hádeginu. Við förum yfir það í fréttatímanum hvaða lið drógust saman.