Hádegisfréttir

Hádegisfréttir 13. desember 2023

Volodymyr Zelensky forseti Úkraínu kom til Oslóar í morgun til fundar við forsætisráðherra Norðurlanda. Katrín Jakobsdóttir forsætisráðherra sækir fundinn fyrir íslands hönd og ræddi einslega við Zelensky í morgun.

Sögulegt samkomulag náðist í morgun á framlengdri loftslagsráðstefnu Sameinuðu þjóðanna, COP28. Helsta niðurstaðan er að heimsbyggðin ?færi sig frá? notkun olíu og gass. Umhverfisráðherra telur ekki þörf á því að uppfæra markmið stjórnvalda vegna samkomulagsins.

Allt lítur út fyrir að flugumferðastjórar leggi niður störf klukkan fjögur í fyrramálið með tilheyrandi röskun á flugi. Formaður félags íslenskra flugumferðastjóra hafnar því að þeir geri kröfu um 25 prósenta launahækkun.

Lántakar hjá Gildi lífeyrisjóði fá ekki niðurgreidda vexti og verðbætur á húsnæðislánum sínum líkt og hjá stóru viðskiptabönkunum. Þetta er niðurstaða stjórnar Gildis sem er byggð á lögfræðiáliti um að slíkt væri ólöglegt.

Lögmaður Eddu Bjarkar Arnardóttur, sem staðið hefur í forræðisdeilu við barnsföður sinn í Noregi, segist hafa fengið lögregluskýrslur og gögn í hendurnar *eftir að* Landsréttur staðfesti gæsluvarðhald yfir henni í byrjun desember.

Það verður asahláka á landinu í dag og mikil rigning á landinu vestan- og sunnanverðu sem gæti náð til Austfjarða. Gul viðvörun tekur gildi í nótt þegar hvessir og erfitt gæti verið að komast milli staða.

Frumflutt

13. des. 2023

Aðgengilegt til

Rennur ekki út

• 00:01:41 Zelenskí fundar með Katrínu
• 00:03:15 Zelensky og Störe funda
• 00:03:51 ESB og Zelensky
• 00:05:55 Söguleg niðurstaða á COP28
• 00:08:07 Guðlaugur Þór um COP28
• 00:09:15 Flugumferðastjórar
• 00:10:56 Telja óheimilt að fella niður lánakostnað Grindvík
• 00:13:02 Asahláka og jólasnjórinn á förum
• 00:14:41 Lögregluskýrslur bárust lögmanni eftir úrskurð
• 00:16:37 Göngudeild lokuð á Akureyri
• 00:18:10 Íþróttir
• 00:20:15 Veður
• 00:20:40 Seinni helst

Útvarpsfréttir.