Hádegisfréttir

Hádegisfréttir 31. júlí 2024

Óttast er að aukin átök brjótist út fyrir botni miðjarðarhafs eftir að einn af leiðtogum Hamas var ráðinn af dögum í Íran í nótt. Stjórnvöld í Íran segja það skyldu sína að hefna fyrir dauða hans.

Rólegt hefur verið yfir skjálftavirkni á Reykjanesskaga og staðan er svipuð og hún var í gær. Gist var í nokkrum tugum húsa í Grindavík í nótt þótt lögreglan mæli eindregið gegn því.

Síðasti starfsdagur Guðna Th. Jóhannessonar í embætti forseta Íslands er í dag. Hann hefur boðað til ríkisráðsfundar á Bessastöðum eftir hádegi þar sem hann kveður ríkisstjórnina formlega.

Átta lögreglumenn eru alvarlega slasaðir eftir óeirðir í borginni Southport í Englandi í gær. Óeirðirnar hófust eftir orðróm um uppruna ungs manns sem varð þremur börnum að bana í borginni á mánudag.

Íslenski makrílflotinn er allur farinn til veiða í Síldarsmugunni eftir fjögurra vikna veiði í íslensku lögsögunni Um sólarhrings sigling er á miðin í Smugunni.

Varaformaður íslenskrar málnefndar kallar eftir metnaði gagnvart þjóðtungunni í viðskiptalífinu. Það gangi ekki að uppgjör fyrirtækja séu einungis birt á ensku.

Fyrsta lundapysja ársins er fundin í Vestmannaeyjum – nokkuð fyrr en venjulega. Þjóðhátíðargestir eru beðnir um að hafa augun opin fyrir pysjum í Herjólfsdal um helgina.

Frumflutt

31. júlí 2024

Aðgengilegt til

Rennur ekki út

• 00:01:36 Leiðtogi Hamas ráðinn af dögum
• 00:03:27 Staðan í Grindavík
• 00:04:52 Síðasti starfsdagur Guðna Th
• 00:07:06 Skálm og vegavinna
• 00:07:41 Southport
• 00:09:13 Gistinætur
• 00:10:55 Makrílveiðin færist í Smuguna
• 00:12:47 Eldsvoði í Mosfellsbæ
• 00:13:52 Lóðaúthlutun í Reykjanesbæ
• 00:15:28 Íslensk málnefnd um ensku í viðskiptalífinu
• 00:17:15 Fyrsta lundapysjan komin
• 00:18:45 Íþróttir
• 00:21:25 Veður
• 00:21:51 Seinni helst

Útvarpsfréttir.