Hádegisfréttir

Hádegisfréttir 10. maí 2025

Sérstakur saksóknari gerði samning við ráðgjafafyrirtækið PPP, sem er til rannsóknar vegna umfangsmikils gagnaþjófnaðar, um sérfræðiráðgjöf á sviði rannsókna árið 2012. Saksóknarinn segist hafa þurft að gera samninginn til að tryggja framvindu stórra rannsókna.

Samningar um Vopnahlé hafa náðst milli Indlands og Pakistan. Vopnahléð tekur gildi þegar í stað.

Auka þingfundur vegna fyrstu umræðu um veiðigjöld stendur yfir á Alþingi. Þingmenn minnihlutans hafa lýst óánægju með fjarveru ráðherra í þingsal.

Forsætisráðherrar Bretlands og Póllands, auk Frakklandsforseta og Þýskalandskanslara, funduðu með Úkraínuforseta í morgun um leiðir til að þrýsta á Rússa að samþykkja vopnahlé. Rússar skeyta litlu um hótanir um þyngri refsiaðgerðir.

Sveitarfélög á höfuðborgarsvæðinu þurfa að aðlagast nýjum veruleika og undirbúa sig undir að takast á við afleiðingar eldhræringa. Þetta kemur fram í hættumati sem almannavarnanefnd höfuðborgarsvæðisins kynnir sveitar- og bæjarstjórnum þessa dagana.

Ísland er í fyrsta sæti á Lífskjaralista Þróunaráætlunar Sameinuðu þjóðanna og hefur hækkað um tvö sæti. Noregur og Sviss eru í öðru og þriðja sæti listans.

Valur mætir spænska liðinu Porriño í fyrri úrslitaleik Evrópubikarkeppni kvenna í handbolta í dag.

Frumflutt

10. maí 2025

Aðgengilegt til

Rennur ekki út

• 00:00:00 Auglýsingaherferð SFS
• 00:01:41 Héraðssaksóknari samdi við PPP
• 00:04:22 Lögreglan á Suðurlandi rannsakar PPP
• 00:04:42 Vopnahlé milli Indlands og Pakistan
• 00:07:05 Fundur á Alþingi
• 00:10:49 Leiðtogar ræða þyngri refsiaðgerðir í Kænugarði
• 00:12:38 Hættumatsskýrsla
• 00:14:55 Lífskjaralisti SÞ
• 00:16:03 Íþróttir

Útvarpsfréttir.