Hádegisfréttir

Hádegisfréttir 10. febrúar 2025

Lítil bjartsýni er hjá samningamönnum ríkis, sveitarfélaga og kennara sem koma saman aftur í dag. Formaður Kennarasambandsins segir fleiri aðgerðir ekki útilokaðar.

Aðalmeðferð í morðmáli hófst í Héraðsdómi Reykjavíkur í morgun. Hjónum var ráðinn bani í Neskaupsstað í sumar. Vitni lýsa erfiðri aðkomu og blóðugum vettvangi.

Borgarfulltrúi Flokks fólksins segir koma til greina að mynda meirihluta til vinstri; mikil samstaða sé innan flokksins um að starfa ekki með Sjálfstæðisflokki.

Bandaríkjaforseti boðar tuttugu og fimm prósenta toll á stál- og álvörur sem fluttar eru inn til Bandaríkjanna, aðallega frá Kanada og Mexíkó. Tollarnir hafa ekki áhrif á álframleiðslu hér segir framkvæmdastjóri Samáls.

Kristrún Frostadóttir, forsætisráðherra, flytur sína fyrstu stefnuræðu í kvöld.

Vatn flæddi inn í fjögur hús á Stöðvarfirði í óveðrinu á fimmtudag og eitt þeirra er óíbúðarhæft. Laga þarf grjótvörn við skólann sem vatnsflaumur gróf í sundur og Veðurstofan telur að bæta þurfi ofanflóðavarnir.

Hlutabréf í Sýn lækkuðu um rúmlega 16 prósent við opnun markaða í morgun.

Tugir ökumanna lentu í vandræðum á Hellisheiði í morgun. Þar eru holur og skemmdir vegna umhleypinga síðustu daga.

Frumflutt

10. feb. 2025

Aðgengilegt til

Rennur ekki út

• 00:01:36 Kjaradeila kennara
• 00:03:30 Verkföll í Snæfellsbæ
• 00:05:18 Sprunginn meirihluti
• 00:07:24 Aðalmeðferð í morðmáli í Neskaupstað
• 00:10:14 Trump boðar tolla á stál
• 00:12:39 Samál um tolla á ál
• 00:13:52 Stefnuræða forsætisráðherra í kvöld
• 00:15:02 Hreinsun að ljúka á Stöðvarfirði
• 00:17:09 Sýn
• 00:17:40 Bílar með sprungin dekk á Hellisheiði
• 00:18:06 Íþróttir
• 00:20:11 Veður
• 00:20:40 Eftirhelst

Útvarpsfréttir.