Sakborningar í manndrápsmálinu sem upp kom á Suðurlandi í gær hafa í morgun verið leiddir fyrir dómara á Selfossi þar sem farið er fram á gæsluvarðhald yfir þeim.
Zelensky Úkraínuforseti þakkar Bandaríkjamönnum fyrir þann fjárhagsstuðning sem fulltrúadeild Bandaríkjaþings samþykkti í gærkvöld. Hann segir ákvörðunina bjarga fjölda mannslífa.
Stærsti jarðskjálftinn í Bárðarbungu frá því eldgosinu í Holuhrauni lauk 2015 reið yfir í morgun. Fólk á Norðurlandi fann fyrir hristingnum.
Starfsmenn vinnustaðar á Þórshöfn og fólk sem sótti fjölmenningarhátíð á Vopnafirði síðustu helgi er beðið um að vera vakandi fyrir mislingaeinkennum næstu þrjár vikur. Einstaklingur á miðjum aldri er með staðfest smit og grunur er um annað.
Varað er við hvössum vindhviðum á Norðurlandi í dag og varasömu ferðaveðri. Gular viðvaranir eru í gildi.
Heilbrigðisráðherra hefur boðað fulltrúa félags íslenskra heimilislækna á fund á þriðjudag vegna gagnrýni lækna á mikilli pappírsvinnu sem kemur niður á tíma þeirra með skjólstæðingum.
Sinfóníuhljómsveit Austurlands frumflytur í dag nýtt tónverk sem var sérsamið fyrir hljómsveitina. Uppátækjasamur sundlaugarvörður á Egilsstöðum samdi verkið en hann er reyndar líka doktor í tónsmíðum og hámenntaður víoluleikari.
Keppni hefst í Bestu deild kvenna í fótbolta í dag, þegar Íslandsmeistarar Vals taka á móti Þór/KA.
