Hádegisfréttir

Hádegisfréttir 16. febrúar 2025

Þjóðarleiðtogar stærstu Evrópuríkja koma saman á neyðarfundi í París á morgun. Útlit er fyrir að Bandaríkjastjórn ætli ekki að hafa Evrópu með í ráðum, komi til viðræðna við Rússa um frið í Úkraínu

Veðurstofan segir að kominn sé tími á stóran skjálfta í Brennisteinsfjöllum og hvetur fólk til að kynna sér viðbrögð og varnir vegna jarðskjálfta. Skjálfti, tveir komma átta, að stærð, fannst á höfuðborgarsvæðinu í morgun.

Stefnt er að því að ljúka meirihlutaviðræðum í Reykjavík í næstu viku. Oddviti Vinstri grænna segir mjög góðan gang í viðræðunum, þó staðan sé þröng í ljósi þess að aðeins ár er eftir af kjörtímabilinu.

Lánshæfismatsfyrirtækið Fitch spáir því að verðbólgan haldi áfram að hjaðna og verði um þrjú komma fimm prósent á þessu ári

Rússneska stjórnarandstæðingsins Alexeis Navalní var minnst við leiði hans í Moskvu í dag og víðar um Evrópu sömuleiðis. Ár er í dag frá andláti hans í öryggisfangelsi í Síberíu.

Félag eldri borgara í Norðurþingi ætlar að handgera fimmtíu mjúkdýr fyrir börn sem þurfa að leita læknis á Húsavík á árinu.

Martin Hermannsson snýr aftur í íslenska landsliðið í körfubolta sem mætir Ungverjalandi og Tyrklandi í lokaleikjum undankeppni EM í næstu viku. Sigur í öðrum hvorum leiknum tryggir Íslandi sæti á EM í fyrsta sinn í átta ár.

Frumflutt

16. feb. 2025

Aðgengilegt til

Rennur ekki út

• 00:00:00 Helst
• 00:01:40 Neyðarfundur Evrópuríkja í París
• 00:05:09 Skjálfti í Brennisteinsfjöllum
• 00:07:08 Grundarfjörður sendir erindi til Samgöngustofu
• 00:07:32 Meirihlutaviðræður í Reykjavík
• 00:09:26 Lánshæfismat ríkissjóðs
• 00:10:33 Ár frá dauða Navalnís
• 00:12:14 Vilja fresta réttarhöldum um Tupac
• 00:13:24 Prjóna bangsa fyrir börn á HSN
• 00:13:24 Frumvarp um fánanotkun
• 00:16:39 Íþróttir

Útvarpsfréttir.