Hádegisfréttir

Hádegisfréttir 25. nóvember 2025

Lögmaður hefur setið í gæsluvarðhaldi í viku vegna rannsóknar á skipulagðri glæpastarfsemi og ólöglegum innflutningi á fólki.

Forstjóri Orkuveitunnar segir það vonbrigði að Norðurál ætli ekki að standa við gerða samninga um kaup á raforku. Fyrirtækið sé tryggt fyrir tjóni vegna bilunar í álverinu á Grundartanga.

Lega Íslands dugir ekki lengur til að verja landið gagnvart utanaðkomandi ógnum, þvert á móti verður hún til þess að Ísland er berskjaldað að mati greinanda.

Viðræður um stríðslok í Úkraínu halda áfram. Sendinefndir Rússlands og Bandaríkjanna hittast í Abú Dabí í dag. Ráðgjafi stjórnvalda í Rússlandi sagði í gær að við fyrstu sýn gætu þau ekki fellt sig við breytingar sem hafa verið gerðar á áætlun um stríðslok.

Íslenska ríkið var í dag sýknað í héraðsdómi af kröfum Vélfags og eiganda þess. Það varð í sumar fyrsta íslenska fyrirtækið til að vera beitt viðskiptaþvingunum ESB gegn Rússum.

Heimildir vantar til að bregðast strax við fúski hjá verktökum að mati formanns Byggiðnar, félags byggingarmanna. Hann segir skelfilegt að sjá suma galla í nýbyggingum sem oft megi rekja til skorts á fagþekkingu.

Tap var á fiskeldi á Íslandi á árunum 2020 til 24. Forstjóri Arctic Fish vill auka samkeppnishæfni og fyrirsjáanleika í greininni.

Íslenska kvennalandsliðið í handbolta spilar fyrsta leik sinn á HM á morgun gegn Þýskalandi.

Frumflutt

25. nóv. 2025

Aðgengilegt til

Rennur ekki út

• 00:01:41 Lögmaður í gæsluvarðhaldi
• 00:03:54 Orkuveitan um Norðurál
• 00:05:21 Borgarstjóri um Norðurál
• 00:05:53 Greining á öryggis- og varnarmálum
• 00:07:38 Ríkið sýknað af kröfum Vélfags
• 00:09:27 Utanríkisráðherra um Vélfag
• 00:10:20 Stefnir í storm á fimmtudag
• 00:10:50 Byggiðn um skort á eftirliti
• 00:12:44 Ný fjármögnunarleið geti hægt á uppbyggingu
• 00:13:51 Abú Dabí ukraína
• 00:14:59 Ný greining á fiskeldi
• 00:16:56 Kristján Guðmundsson látinn
• 00:17:35 Íþróttir

Útvarpsfréttir.