Hádegisfréttir

Hádegisfréttir 2. nóvember 2025

Útflutningur frá Íslandi til Bandaríkjanna hefur dregist saman um fjörutíu prósent frá í fyrra. Hagfræðingur segir þetta beina afleiðingu af tollastefnu Bandaríkjaforseta.

Tveir karlmenn sem voru handteknir í Bretlandi í morgun fyrir að stinga að minnsta kosti tíu manns um borð í lest eru ekki grunaðir um hryðjuverk. Tvö fórnarlambanna eru enn í lífshættu.

Formaður velferðarnefndar Alþingis segir ekki ásættanlegt að ólögleg veðmálastarfsemi fái að þrífast hér á landi. Sjálfri hugnast henni ekki að hún verði heimiluð en hún segir málið nú í höndum dómsmálaráðherra.

Trump Bandaríkjaforseti hótar að senda herlið til Nígeríu verði dráp á kristnu fólki í landinu ekki stöðvuð.

Stórfelld áform Færeyinga um Suðureyjagöng fyrir jafnvirði um hundrað milljarða króna gætu verið í uppnámi, eftir að landsbankastjóri Færeyja hvatti til að þau yrðu lögð á hilluna, enda væru þau allt of dýr.

Sex sjö var valið orð ársins hjá stærstu ensku orðabókinni á netinu. Forsvarsmenn hennar skilja samt ekki hvað það þýðir.

Frumflutt

2. nóv. 2025

Aðgengilegt til

Rennur ekki út

Útvarpsfréttir.