Hádegisfréttir

Hádegisfréttir 29. september 2025

Flugfélagið Play er hætt starfsemi. Um fjögur hundruð missa vinnuna og þúsundir Íslendinga eru strandaglópar í útlöndum.

Margir farþegar voru komnir að brottfararhliði í Leifsstöð þegar flugi þeirra til Tenerife var aflýst. Einn þeirra segir ömurlegt að komast ekki í sólina.

Forstjóri Play segir að staða félagsins hafi ekki verið fegruð umfram tilefni. Reynt verður að borga starfsfólki laun í dag.

Bandaríkjaforseti ber í dag áætlun sína um framtíð Gaza undir forsætisráðherra Ísraels. Forsetinn leggur til að öllum gíslum verði sleppt og alþjóðleg stjórn taki við völdum.

Áhöfn á Seyðisfjarðarskipinu Gullveri og Grindavíkurskipinu Jóhönnu Gísladóttur hefur verið sagt upp störfum. Síldarvinnslan og dótturfyrirtækið Vísir eru í uppstokkun og flestum býðst pláss á öðrum skipum.

Ný könnun Húsnæðis- og mannvirkjastofnunar bendir til þess að erlendir ríkisborgarar hafi verið verulega vantaldir hingað til. í könnunum um húsnæðismál. Einn af hverjum þremur aðfluttum sé á leigumarkaði.

Erfitt er að segja til um hvort og hvenær gýs aftur á Sundhnúksgígaröðinni. Eldvirkni gæti farið minnkandi samhliða minna kvikuinnstreymi undir Svartsengi, segir jarðeðlisfræðingur.

Víkingur getur farið langt með að tryggja sér Íslandsmeistaratitil karla í fótbolta í kvöld.

Frumflutt

29. sept. 2025

Aðgengilegt til

Rennur ekki út

• 00:01:34 Play hættir starfsemi
• 00:02:53 Viðtal við forstjóra Play
• 00:05:43 Staðan á Keflavíkurflugvelli
• 00:09:03 Formaður Neytendasamtakanna
• 00:10:05 Innviðaráðherra um fall Play
• 00:12:32 Trump og Netanyahu hittast
• 00:15:00 Öllum sagt upp á Gullveri og Jóhönnu
• 00:15:34 Staða aðfluttra á húsnæðismarkaði
• 00:17:16 Kristersson um drónaflug
• 00:17:52 Magnús Tumi um jarðhræringar
• 00:19:05 Íþróttir

Útvarpsfréttir.