Hátíðarhöld gengu tiltölulega vandræðalítið fyrir sig í gær þrátt fyrir slæmt veður víða um land. Aðgerðastjórn var virkjuð í Vestmannaeyjum og Þjóðhátíðargestum boðið að færa sig inn í Herjólfshöll til að skýla sér frá veðrinu.
Bæði Rússar og Úkraínumenn gerðu drónaárásir í nótt. Þrír eru sagðir hafa fallið í árásum Úkraínumanna, sem stjórnvöld í Kyiv segja að hafi beinst að verksmiðjum þar sem drónar eru framleiddir.
Öryggismiðstöðin og Sigmenn hafa samtals fengið hátt í milljarð greiddan frá ríkinu fyrir öryggisgæslu í Grindavík. Þar af hefur Öryggismiðstöðin fengið yfir sjö hundruð milljónir fyrir eftirlit og að sinna lokunarpóstum.
Fjármagnskostnaður er mjög hár á Íslandi að mati formanns Neytendasamtakanna. Fagna megi góðu gengi bankanna en það komi beint úr vösum viðskiptavina.
Landsdómur hefur fellt úr gildi gæsluvarðhaldsúrskurð yfir manni sem stal bíl við flugturn Keflvíkurflugvallar. Maðurinn ók yfir flugbrautir í notkun og reyndi að komast inn í kyrrstæða flugvél.
Samgönguyfirvöld í Helsinki þakka hraðatakmörkunum og stífu eftirliti fyrir að ekkert dauðsfall hefur orðið í umferðinni þar síðustu tólf mánuði.
Fjórir geimfarar eru þessa stundina að koma inn í alþjóðlegu geimstöðina, ISS, sem verið hefur á sporbaug um jörðu í meira en aldarfjórðung. Hópurinn lagði af stað í gær með eldflaug sem skotið var frá Kanaveral-höfða í Flórída.
Þjóðverjar drekka minni bjór en áður, því þjóðin er að eldast og smekkur fólks að breytast. Sala á bjór hefur ekki verið minni síðan mælingar á neyslu hófust fyrir rúmum þrjátíu árum.
