Hádegisfréttir

Hádegisfréttir 19. júní 2025

Nokkrir voru handteknir í aðgerðum lögreglu á nokkrum stöðum á landinu í gær. Þetta er afrakstur mánaða rannsóknar lögreglu á skipulagðri brotastarfsemi, sem talin er tengjast fíkniefnaframleiðslu meðal annars á Raufarhöfn.

Ísraelar heita hefndum fyrir loftárás Írana á sjúkrahús í Suður- Ísrael. Utanríkisráðherra Írans ætlar að hitta evrópska utanríkisráðherra og ræða kjarnorkuáætlun landsins. Þetta er sjöundi sólarhringur árása Ísraela og Írana.

Önnur umræða um veiðigjaldsfrumvarp ríkisstjórnarinnar heldur áfram á Alþingi í dag. Ekkert samkomulag er um afgreiðslu mála á þingi.

Mikið tjón varð í eldi í Efnalauginni Björgu við Háaleitisbraut í Reykjavík í nótt. Eigandinn ætlar að opna aftur sem fyrst.

Yfir tvö hundruð og fimmtíu björgunarsveitarmenn á höfuðborgarsvæðinu hafa leitað að Sigríði Jóhannsdóttur. Hennar hefur verið saknað frá því á föstudag.

Borgarstjóri Búdapest í Ungverjalandi er staðráðinn í að halda gleðigöngu hinsegin fólks í lok júní þrátt fyrir bann stjórnvalda og lögreglu.

Hólavallagarður í Reykjavík var friðlýstur í morgun. Umhverfisráðherra segir friðlýsinguna á kirkjugarðinum mikilvægan áfanga í verndun menningarsögulegra minja.

Frumflutt

19. júní 2025

Aðgengilegt til

Rennur ekki út

• 00:00:00 Íþróttir
• 00:00:00 Helst
• 00:01:32 Lögregluaðgerðir
• 00:02:53 Sjöundi sólarhringur árása Ísraela og Írana
• 00:04:44 Íslendingar í Íran og Ísrael
• 00:05:11 Þingið í dag
• 00:07:14 Forseti Alþingis minnist kosningaréttarins
• 00:07:47 Eldur í efnalauginni Björgu
• 00:09:19 Leit að Sigríði
• 00:10:08 Sameina sveitarfélög milli landshluta
• 00:12:07 Leit að manni
• 00:13:25 Stórt hvalshræ á Norrænu
• 00:14:59 Ungverska lögreglan bannar hinsegingöngu
• 00:16:11 Hólavallagarður friðlýstur
• 00:17:09 Hinsegin hátíð á Norðurlandi eystra

Útvarpsfréttir.