Hádegisfréttir

Hádegisfréttir 18. júní 2025

Afrit af tölvum bankastjóra Glitnis, símtöl við viðskiptavini og viðkvæm tölvupóstssamskipti eru í gagnasafni sem fyrirtækið PPP fékk aðgang að í gegnum slitastjórn Glitnis. Gögnin voru áfram í vörslu PPP löngu eftir að þeim hefði átt að vera eytt.

Bandaríkjaforseti er sagður íhuga að taka þátt í árásum á kjarnorkuinnviði í Íran. Æðsti leiðtogi Írans segir hvers kyns íhlutun Bandaríkjahers hefði óafturkræfar afleiðingar.

Fjölga verður sjúkrabílum eða dreifa þeim betur um Suðausturland á veturna að mati Rannsóknarnefndar samgönguslysa. Sjúkrabíll var þrjú korter á vettvang banaslyss við Skaftafell í fyrra.

Veiðigjaldsfrumvarp ríkisstjórnarinnar er á dagskrá Alþingis eftir hádegi. Stór hluti morgunsins fór í deilur stjórnarliða og stjórnarandstæðinga um hvort þingmenn hefðu fengið allar nauðsynlegar upplýsingar.

Áætlun um stóraukin útgjöld til varnarmála verður samþykkt á fundi leiðtoga NATO-ríkjanna í Hollandi í næstu viku. Spurningar hafa vaknað um samstöðu ríkjanna gagnvart Rússlandi og Úkraínu.

Framsóknarflokkurinn myndi þurrkast út í borgarstjórn samkvæmt nýrri könnun. Fylgið hefur ekkert aukist frá því flokkurinn sleit meirihlutasamstarfi. Samfylkingin bætir við sig fylgi.

Mótsstjórn ÍBV bárust nokkrar tilkynningar um óviðeigandi hegðun foreldra á TM móti stúlkna í Vestmannaeyjum um helgina. Dæmi eru um að foreldrar hafi hrópað ókvæðisorð að keppendum.

Frumflutt

18. júní 2025

Aðgengilegt til

Rennur ekki út

• 00:00:00 Helst
• 00:01:50 Glitnis gögnin
• 00:03:43 Tók þrjú korter að komast á slysstað
• 00:05:47 Íran og Ísrael gera loftárásir á víxl
• 00:07:36 Veiðigjöld komin á dagskrá en ekki rædd
• 00:09:49 Ný varnarmálastefna ekki tilbúin
• 00:10:21 Ný könnun í borginni
• 00:11:46 G7 og NATO leiðtogafundir
• 00:13:31 Leit að Sigríði
• 00:13:54 Kvartanir vegna óstýrilátra foreldra á TM móti
• 00:15:27 Sænska sorpdrottningin dæmd í fangelsi
• 00:16:46 Lóu aflýst
• 00:18:15 Íþróttir

Útvarpsfréttir.