Ríkisstjórn Ísraels er sögð hafa samþykkt að innlima Gaza. Hún íhugar að hleypa þangað aftur neyðaraðstoð en banna hjálparsamtökum að dreifa hjálpargögnum. Tugþúsundmanna varalið verður kallað út til að herða árásir.
Börn sem eru dæmd til fangelsisvistar þurfa að afplána á Stuðlum. Stefnt er að því að opna meðferðarheimili fyrir drengi á Suðurlandi í haust. Nýtt heimili í Garðabæ er enn til skoðunar.
Íslenskir kvikmyndaframleiðendur fyndu verulega fyrir því ef hugmyndir Bandaríkjaforseta um hundrað prósenta toll á erlenda kvikmyndaframleiðslu ná fram að ganga. Þetta segir framkvæmdastjóri True North.
Þýski harðlínuflokkurinn Alternative fur Deutschland - AFD- ætlar að kæra leyniþjónustu landsins fyrir að hafa í síðustu viku skilgreint flokkinn sem öfgasamtök. AfD hefur að undanförnu mælst með mest fylgi alla flokka í skoðanakönnunum.
Vegið er að akademískum rannsóknum og sannleika, og beinlínis verið að eyða gögnum í bandarískum háskólum, segja þarlendir háskólaprófessorar. Íslenskir rektorar eru í hópi þeirra sem vilja fá bandaríska vísindamenn til Evrópu.
Strandveiðar hófust í morgun og útgefin leyfi hafa aldrei verið fleiri. Hátíðisdagur, segir framkvæmdastjóri Landssambands smábátaeigenda.
Ólíklegt er að full dekkun farsímanets fyrir símtöl í 112 náist á stofnvegum landsins á næstunni. Neyðarlínan á í viðræðum við Apple og fleiri tæknirisa um að opna fyrir neyðarsímtöl um gervihnetti.
Hjónavígslum hjá sýslumanni hefur fjölgað stöðugt síðasta áratug. Þær náðu hámarki í fyrra þegar þær voru rúmlega tvö þúsund og sjö hundruð.
