Hádegisfréttir

Hádegisfréttir 17. mars 2026

Formaður utanríkismálanefndar gerir ráð fyrir að síðari umræða um þjóðaratkvæðagreiðslu um áframhald aðildarviðræðna að ESB verði eftir sveitarstjórnarkosningar í maí. Þingið hefur þá tvær vikur til að klára málið - eigi atkvæðagreiðslan að geta farið fram 29. ágúst.

Ísraelar segjast hafa drepið yfirmann öryggisráðs Írans. Hann birti í gær ákall til ríkja þar sem múslimar eru í meirihluta um stuðning gegn Bandaríkjunum og Ísrael.

Blóðugir og sárir minkar, sem sumir voru farnir að naga sig inn að beini vegna streitu og kvíða, sjást á myndum sem teknar voru í fyrra á þremur minkabúum af sex sem þá voru starfrækt.

Sjö voru handteknir í nótt fyrir líkamsárás á tvo menn í Reykjavík og verða yfirheyrðir í dag.

Enn er óvissustig vegna snjóflóðahættu á Norðurlandi og norðanverðum Vestfjörðum með tilheyrandi samgöngutruflunum. Rýma þurfti atvinnuhúsnæði í Skutulsfirði á ný í morgun.

Oddviti Miðflokksins í Múlaþingi er ósáttur við að fá ekki að leiða listann áfram í komandi sveitarstjórnarkosningum. Hann fullyrðir að biblíutilvitnanir sínar á sveitarstjórnarfundum séu ástæðan.

Íslenska kvennalandsliðið í körfubolta mætir Portúgal í undankeppni EM í kvöld.

Birt

17. mars 2026

Aðgengilegt til

Rennur ekki út

• 00:01:34 Fyrri umræðu um ESB lokið
• 00:04:06 Staðan í Mið-Austurlöndum
• 00:06:53 Óljóst hvenær átökum í Íran lýkur
• 00:07:51 Líkamsárás í nótt
• 00:08:22 Kveikur fjallar um loðdýrarækt
• 00:10:48 Snjóflóð og snjóflóðahætta
• 00:12:43 36 þúsund hraktir frá heimilum
• 00:13:32 Oddviti segist burtrekinn
• 00:15:29 Borgarstjórnarfundur
• 00:17:22 Loka hluta Kristnesspítala
• 00:17:51 Fleiri hlynntir samgönguáætlun en andvígir
• 00:18:36 Íþróttir

Útvarpsfréttir.