Hádegisfréttir

Hádegisfréttir 18. nóvember 2025

Ísland og Noregur verða ekki undanskilin verndaraðgerðum Evrópusambandsins vegna kísilmálms. Mikil vonbrigði

segir utanríkisráðherra

Reykjavíkurborg hefur boðað foreldra barna á leikskólanum Múlaborg á stuðningsfund á morgun. Í Kveiksþætti í kvöld verður fjallað um meint kynferðisbrot á leikskólanum.

Mikill viðbúnaður var þegar eldur kom upp í hjúkrunarheimili Hrafnistu við Sléttuveg í Reykjavík laust fyrir hádegi. Vel gekk að rýma og ekki er vitað til að heimilisfólki hafi orðið meint af reyk, en sumum brugðið að sögn forstjóra Hrafnistu.

Þolendur kynferðisbrotamannsins Jeffrey Epstein koma fram á blaðamannafundi í dag ásamt þingmönnum fulltrúadeildar. Búist er við að fulltrúadeildin greiði í dag atkvæði um birtingu allra skjala sem tengjast Epstein.

Umhverfisráðherra situr lokadaga loftslagsráðstefnu Sameinuðu þjóðanna, COP30. Formaður Landverndar segir mikla orku í mótmælendum.

Greiningardeildir bankanna telja að Seðlabankinn haldi stýrivöxtum óbreyttum í sjö og hálfu prósenti þegar tilkynnt verður um vexti á morgun. Útlit er fyrir að vextir gætu lækkað skarpt í upphafi næsta árs.

Íslenska kvennalandsliðið í körfubolta heldur vegferð sinni áfram undir stjórn nýs landsliðsþjálfara þegar Ísland mætir Portúgal á útivelli í undankeppni EM 2027 í kvöld

Frumflutt

18. nóv. 2025

Aðgengilegt til

Rennur ekki út

• 00:01:37 Ísland ekki undanþegið verndaraðgerðum ESB
• 00:03:10 Utanríkisráðherra um verndartolla
• 00:04:27 Kveikur í hádegisfréttum
• 00:06:12 Eldur á Sléttuvegi
• 00:08:41 Epstein-skjölin í brennidepli í dag
• 00:10:44 Handteknir grunaðir um brot á vopnalögum
• 00:11:17 Umhverfisráðherra á COP30
• 00:14:05 Formaður Landverndar á COP
• 00:15:13 Útlit fyrir stýrivaxtaákvörðun
• 00:16:46 Flugumferðarstjórar
• 00:17:20 Danir kjósa til sveitarstjórna
• 00:18:08 Íþróttir

Útvarpsfréttir.