Hádegisfréttir

Hádegisfréttir 8. nóvember 2025

Hagfræðingur segir að nýtt vaxtaviðmið Seðlabankans gæti dugað til að bankarnir geti farið að veita lán með eðlilegum hætti á nýjan leik. Forsendurnar að baki viðmiðinu séu þó með öllu óskiljanlegar.

Tveggja er leitað vegna rannsóknar á fjársvikamáli þar sem hundruð milljónir voru sviknar út úr Landsbankanum. Rúmar tíu milljónir voru sviknar út úr Arion banka, sem tilkynnti Reiknistofnun bankanna um málið.

Engan sakaði þegar eldur kviknaði í tæknirými áfast fjósi á bænum Fellshlíð í Eyjafirði í morgun.

Rússlandsher hefur drepið ellefu almenna borgara og sært yfir fjörutíu í árásum á Úkraínu síðasta sólarhring. Þá gerði herinn árásir á orkuinnviði og því er rafmagnslaust í nokkrum héruðum.

Verkefnastjóri hjá Vegagerðinni segir sms-skeytalista vegna snjóflóðahættu á vegum hafa sannað gildi sitt. Bæði hafi kerfið komið í vef fyrir slys og það geri fólki kleift að skipuleggja ferðir sínar betur á veturna.

Það skýrist vonandi í vor hvort að blanda malbiks og steypu geti dregið úr sliti á álagsstöðum þar sem þung umferð er, eins og á strætóstoppistöðvum. Tilraunir standa yfir.

Hærra hlutfall innflytjenda í Finnlandi en innfæddra er í vinnu eða námi og þeir hafa jákvæð áhrif á fjárhag ríkisins, samkvæmt nýrri rannsókn.

Tónlistarkonan Rakel hlaut í gær svokölluð plús-verðlaun Rásar tvö og Iceland Airwaves. Verðlaununum er ætlað að hjálpa upprennandi listamönnum að koma sér á framfæri.

Frumflutt

8. nóv. 2025

Aðgengilegt til

Rennur ekki út

• 00:00:00 Helst
• 00:01:43 Fjársvikamál
• 00:03:20 Eldsvoði í Fellshlíð í Eyjafirði
• 00:04:24 Viðmiðunarvextir Seðlabanka
• 00:06:08 Árásir á Úkraínu í nótt
• 00:06:56 Reynsla á snjóflóðaskeyti Vegagerðarinnar
• 00:08:45 Steypu og malbiki blandað saman
• 00:10:37 Ný brú yfir Breiðholtsbraut
• 00:11:34 Geti ekki tryggt öryggi á Laugardalsvelli
• 00:12:45 Innflytjendur efla efnahaginn
• 00:14:12 Tónlistarverðlaun Icelandair Airwaves
• 00:15:22 Sænski tollurinn leggur hald á Lafufu
• 00:16:14 Íþróttir

Útvarpsfréttir.