Hádegisfréttir

Hádegisfréttir 14. júní 2025

Lögreglan var kölluð að Edition-hótelinu við Reykjavíkurhöfn á áttunda tímanum í morgun og hefur unnið að rannsókn á vettvangi síðan þá. Lögreglan hefur ekki viljað staðfesta við fréttastofu hvað gerðist.

Ísrael og Íran halda áfram loftárásum á víxl. Að minnsta kosti þrír hafa verið drepnir í Ísrael og hátt í áttatíu í Íran. Varnarmálaráðherra Ísraels segir að Teheran muni brenna láti Íransher ekki af sínum árásum.

Frumvarp um breytingu á veiðigjöldum var afgreitt úr atvinnuveganefnd Alþingis í morgun við mikla andstöðu þingmanna minnihlutans. Þingfundur stendur yfir á Alþingi.

Björgunarsveitir hafa fundið 279 lík þar sem þota Air India hrapaði á íbúðahverfi í indversku borginni Ahmedabad í fyrradag.

Hugað er að öryggismálum við Brúará eftir að ferðamaður féll í ánna og drukknaði. Ferðamálastjóri segist ekki hrifinn af lokunum og bönnum við náttúruperlur.

Mikilvægt er að foreldrar séu forvitnir um það sem börnin þeirra eru að gera, segir deildarstjóri á barna- og unglingageðdeild Landspítalans. Dæmi eru um að börn myndi vinskap við gervigreind -- með misjöfnum afleiðingum.

Heyskapur er óvenju snemma á ferðinni í ár. Bóndi í Landeyjum kláraði fyrsta slátt sumarsins þremur vikum fyrr en gengur og gerist. Hann segist ekki muna eftir öðru eins.

Frumflutt

14. júní 2025

Aðgengilegt til

Rennur ekki út

• 00:00:00 Helst
• 00:01:23 Andlát á hóteli
• 00:03:03 Ísrael-Íran
• 00:06:25 Nefndarfundur á Alþingi
• 00:10:49 Afgreiðsla úr nefnd rædd á þingi
• 00:11:14 Banaslys í Brúará - Ferðamálastjóri
• 00:12:51 279 lík fundin á slysstað
• 00:13:23 Vinátta unglinga við gervigreind
• 00:16:22 Óvenju snemmbúinn fyrsti sláttur
• 00:17:33 Íþróttir

Útvarpsfréttir.