Hádegisfréttir

Hádegisfréttir 13. júní 2025

Ísraelsmenn gerðu stórfellda árás á kjarnorku- og hernaðarinnviði Írans í nótt. Valdamenn og kjarnorkuvísindamenn voru drepnir í árásinni. Íranar heita grimmilegum hefndum.

Formaður þingflokks Miðflokksins þvertekur fyrir málþóf og segir margt ósagt um Bókun 35. Stjórnarflokkarnir á Alþingi leggja til sjö forgangsmál til að flýta fyrir þingfrestun.

Mygla hefur greinst á rannsóknardeild Sjúkrahússins á Akureyri. Forstjórinn segir þau reyna að halda þjónustu óbreyttri með því að færa deildina til innanhúss.

Ísland er fyrsta landið til að gera bráðalyf gegn ofskömmtun á ópíóíðum aðgengilegt í öllum fangelsum. Hátt hlutfall fanga notar fíkniefni.

Forsætisráðherra segir það skipta máli að þjóðhátíðardagur Íslendinga sé ekki litaður af stjórnmálum dagsins í dag. Hún hafi því falið forseta Íslands það hlutverk að flytja hátíðarávarpið í hennar stað.

Það er langtímamarkmið ríkisstjórnarinnar að ein af þyrlum Landhelgisgæslunnar verði á Akureyri. Forsætisráðherra segir þetta stórt öryggismál og vill tryggja að af þessu verði eins fljótt og auðið er. Til skoðunar er að þyrlupallur verði við sjúkrahúsið í bænum.

Forsætisráðherra segir það skipta máli að þjóðhátíðardagur Íslendinga sé ekki litaður af stjórnmálum dagsins. Því hafi hún ákveðið að fela forseta Íslands það hlutverk að flytja hátíðarávarpið í hennar stað.

Dekkjalykt verður í loftinu á Akureyri um helgina. Bílardagar hefjast í dag.

Það ræðst klukkan eitt hverjar verða í hópnum sem fer á Evrópumót kvenna í fótbolta í sumar. Flautað verður til leiks eftir tæpar þrjár vikur.

Frumflutt

13. júní 2025

Aðgengilegt til

Rennur ekki út

• 00:01:35 Ísrael gerir árás á Íran
• 00:04:18 Óvissa um samningaviðræður um kjarnorkuáætlun Íran
• 00:05:17 Þingstörf og þingfrestun
• 00:07:56 Flugslys: Svarti kassinn fundinn
• 00:08:19 Mygla á rannsóknarstofu SAk
• 00:09:59 Húsleit lögreglu í miðborginni
• 00:10:30 Bæjarstjórinn í Eyjum um vatnslögnina
• 00:11:31 Naloxone í öll fangelsi
• 00:13:06 Kjaratölfræðiskýrsla
• 00:13:55 Ráðherrar um þyrlu á Akureyri
• 00:15:15 Bíladagar byrja á Akureyri
• 00:17:32 Forseti flytur ræðu í stað forsætisráðherra
• 00:18:37 Íþróttir
• 00:20:42 Veður
• 00:21:05 Seinni helst

Útvarpsfréttir.