Hádegisfréttir

Hádegisfréttir 12. júní 2025

Farþegaflugvél hrapaði skömmu eftir flugtak á Indlandi í morgun. Allir 244 sem voru um borð eru taldir af. Vélin skall á íbúðahverfi.

Framkvæmdastjóri Samtaka fyrirtækja í veitingarekstri segist hvorki þekkja haus né sporð á stéttarfélaginu Virðingu. Samkeppniseftirlitið sektar samtökin um milljón á dag fyrir að neita að afhenda gögn um félagið.

Lögreglan á Suðurnesjum hefur í ár lagt hald á meira magn af kókaíni en allt síðasta ár. Tveir voru nýverið handteknir á Keflavíkurflugvelli eftir að hafa reynt að smygla tólf kílóum af kókaíni til landsins.

Neytendasamtökin telja bílastæðafyrirtæki hafa framið víðtæk brot við innheimtu á svokölluðum vangreiðslugjöldum. Þau telja að álagningin sé dulbúin innheimta.

Árlegur fundur valdhafa í stjórnmálum, svokallaður Bilderberg-fundur, hófst í Stokkhólmi í dag. Yfir 100 manns eru á fundinum sem mikil leynd er yfir.

Spáð er að ársverðbólga hækki lítillega út þetta ár. Líkur á frekari vaxtalækkunum fara því þverrandi.

Vörumerki Sýnar voru sameinuð undir einu nafni í dag . Forstjórinn segir að skapa eigi samræmt vörumerki.

Frumflutt

12. júní 2025

Aðgengilegt til

Rennur ekki út

• 00:01:25 Flugslys á Indlandi
• 00:03:38 SVEIT sektað
• 00:06:00 Jón Karl um breytingar hjá Play
• 00:08:02 Vinnuslys á Orkureitnum
• 00:08:34 Reyndu að smygla 12 kílóum af kókaíni til landsins
• 00:10:37 Gagnrýna innheimtu bílastæðafyrirtækja
• 00:12:11 Verðbólgan föst fyrir
• 00:13:39 Sameinast undir merki Sýnar
• 00:15:15 Bilderberg-hópurinn fundar í Svíþjóð
• 00:16:48 Ofurtölva á Íslandi
• 00:18:11 Vara við kræklingatínslu
• 00:18:39 Íþróttir
• 00:20:29 Veður
• 00:20:55 Seinni helst

Útvarpsfréttir.