Hádegisfréttir

Hádegisfréttir 30.maí 2025

Leit að sundmanni, sem talið er að hafi örmagnast úti fyrir Örfirisey við Reykjavík í gær, hefst að nýju klukkan tvö. Gert er ráð fyrir að hátt í tvö hundruð manns leiti hans.

Hamas-samtökin hafa ekki svarað tillögu Bandaríkjanna um vopnahlé á Gaza, sem ísraelsk stjórnvöld samþykktu í gær. Í morgun var aftur skotið á fólk sem reyndi að sækja sér mataraðstoð.

Fimm flugumferðarstjórum hjá dótturfélagi Isavia hefur verið sagt upp fyrir að skrá á sig fleiri tíma en þeir unnu. Það varð til þess að þeir höfðu ekki gilt leyfi til að stjórna flugumferð.

Ekki verða gerðar breytingar á því hve mikið má veiða daglega á yfirstandandi strandveiðitímabili, samkvæmt upplýsingum frá atvinnuvegaráðuneytinu. Í haust verður skoðað hvort gera þurfi breytingar á því hvað mikið er heimilt að veiða í hverri ferð.

Þingeyjarsveit hyggst loka leikskólanum á Laugum í Reykjadal. Foreldrar mótmæla og óttast að fjölskyldufólk flytji burt.

Kartöfluhnúðormur hefur í fyrsta sinn greinst í kartöflugörðum í Þykkvabæ. Ormurinn, sem leggst á ræturnar á kartöflunum, getur rýrt uppskeru bænda en hann er ekki hættulegur mannfólki.

Til stendur að finna nýjan stað fyrir hjólhýsabyggðina á Sævarhöfða í Reykjavík. Formaður Samtaka hjólabúa segir íbúa langþreytta á bágri aðstöðu.

Ísland mætir Noregi í Þjóðadeild kvenna í fótbolta í kvöld. Fyrirliði Íslands segir að þær ætli að hirða öll stigin.

Frumflutt

30. maí 2025

Aðgengilegt til

Rennur ekki út

• 00:01:37 Leit að sjósundsmanni
• 00:03:21 Mögulegt vopnahlé á Gaza
• 00:05:28 Uppsagnir hjá Isavia
• 00:06:27 Strandveiðifrumvarp
• 00:07:34 Póstur ríkislögreglustjóra um landamærin
• 00:09:43 Loka leikskóla á Laugum
• 00:11:28 Hitabylgja á Spáni
• 00:11:56 Hnúðormur í Þykkvabæ
• 00:13:52 Russell Brand neitar sök
• 00:14:16 Reykjavíkurborg og hjólhýsabyggðin
• 00:16:03 Haribo-hlaup innkallað vegna kannabiss
• 00:16:31 Kínverskt far á leið að smástirni
• 00:17:54 Sjónvarpsverðlaun sett á ís
• 00:18:30 Íþróttir

Útvarpsfréttir.