Hádegisfréttir

Hádegisfréttir 5.mars 2025

Formaður BSRB segir að það jafngildi stríðsyfirlýsingu ef reynt verður að fella á brott ákvæði um að áminna þurfi opinbera starfsmenn áður en til uppsagnar kemur. Starfshópur um hagræðingu í ríkisrekstri leggur það til.

Donald Trump ítrekaði áhuga sinn á Grænlandi í metlangri stefnuræðu í Bandaríkjaþingi í gær. Það virðist komin þýða í samskipti hans og forseta Úkraínu en hernaðarstuðningur er enn á ís.

Leiðtogaráð Evrópusambandsins undirbýr milljarða evra stuðning við Úkraínu. Tvö ríki sambandsins eru því mótfallin. Ganga á frá málinu á leiðtogafundi á morgun.

Mikilvægt er að fjölga meðferðarheimilum fyrir börn með fjölþættan vanda, segir barnamálaráðherra. Fjöldi barna fær ekki nauðsynlega þjónustu.

Nýr meirihluti tilkynnti, í fyrstu aðgerðaáætlun sinni á borgarstjórnarfundi í gær, að fyrirtækjaleikskólar væru ekki á dagskrá. Oddviti Sjálfstæðisflokksins segir þetta mikil vonbrigði.

Syngjandi furðurverur eru á ferð um borg og bý og skólastarf er víða skert á öskudaginn.

Ísland spilar í Póllandi á Evrópumóti karla í körfubolta í sumar. Íslenskir aðdáendur geta keypt miða í forsölu.

Frumflutt

5. mars 2025

Aðgengilegt til

Rennur ekki út

• 00:01:23 Hagræðingartillögur
• 00:03:37 Trump ávarpar þingið
• 00:07:18 Leiðtogar ESB ríkjanna á fundi á morgun
• 00:09:12 Teslusala hrynur í Þýskalandi
• 00:09:53 Janusþjónusta færð til Virk
• 00:11:53 Hífa bíla upp úr sjónum
• 00:12:21 Barnamálaráðherra um meðferðarheimili
• 00:14:18 Fyrirtækjaleikskólar ekki á dagskrá
• 00:15:58 Vill endurskoða loðnureglur
• 00:16:48 Öskudagurinn í Kringlunni
• 00:18:21 Umhleypingar nýtast virkjunum
• 00:18:52 Íþróttir
• 00:20:57 Veður
• 00:21:09 Seinni helst

Útvarpsfréttir.