Hádegisfréttir

Hádegisfréttir 31. október 2023

Ísraelsmenn segjast hafa hæft um þrjú hundruð skotmörk á Gaza og hafna kröfum um vopnahlé. Sameinuðu þjóðirnar og hjálparsamtök vara við frekari hörmungum á svæðinu.

Forsætisráðherra Noregs segir að aldrei hafi komið til greina að sitja hjá í atkvæðagreiðslu Sameinuðu þjóðanna um ástandið á Gaza, líkt og hinar Norðurlandaþjóðirnar gerðu. Alltaf þurfi að fordæma hryðjuverk með skýrum hætti. Þing Norðurlandaráðs hefst í dag.

Formaður Framsóknarflokksins vissi ekki af atkvæðagreiðslunni en hann telur engan meiningarmun á afstöðu ráðherra ríkisstjórnarinnar. Þau fordæmi allt ofbeldi, hvar sem er í heiminum.

Átta ára drengur lést í umferðarslysi á Ásvöllum í Hafnarfirði í gær.

Það er fjármálaráðherra umhugsunarefni hversu þungt húsnæðisliðurinn vegur í verðbólgumælinum og hefur Hagstofan það til skoðunar að minnka vægi hans.

Byrjað er að kortleggja viðbrögð ef eldgos stefnir innviðum á Reykjanesskaga í hættu. Innviðaráðherra segir miklu máli skipta að raforkuflutningskerfið sé öflugt og sérstaklega Suðurnesjalína.

830 eftirlitsmyndavélar eru á 82 stöðum í Reykjavík. Persónuverndarfulltrúi hjá borginni segir að heildarstefnu skorti.

Hundrað farþegar komu með fyrsta áætlunarflugi EasyJet frá London til Akureyrar í dag. Tekið var á móti þessum fyrstu farþegum við hátíðlega athöfn á Akureyrarflugvelli.

Í dag er hrekkjavaka og margir gera sér dagamun, skreyta hús og klæðast búningum. Hátíðin skipar sífellt stærri sess.

Frumflutt

31. okt. 2023

Aðgengilegt til

Rennur ekki út

• 00:00:00 Gaza - bardagar Ísraela og Hamas
• 00:02:24 Fundur Norðurlandaráðs
• 00:04:28 Innviðaráðherra um atkvæðagreiðsluna
• 00:06:20 Drengur látinn
• 00:06:44 Endurskoða húsnæðisliðinn í verðbólgumælingu
• 00:08:16 Jarðhræringar: gögnin berast ekki
• 00:08:50 Innviðaráðherra um innviði á Suðurnesjum
• 00:10:55 Flug milli London og Akureyrar hafið
• 00:12:42 Skýrsla um myndvélaeftirlit Reykjavíkurborgar
• 00:14:09 Gæsluvarðhald framlengt í manndrápstilraun
• 00:14:36 Noregur - deilur um þriðja og fjórða orkupakkann
• 00:16:12 Hrekkjavaka
• 00:17:50 Íþróttir

Útvarpsfréttir.