Hádegisfréttir

Hádegisfréttir 16. október 2023

Nærri þrjú þúsund eru látin og hátt í tíu þúsund særð eftir loftárásir Ísraelshers á Gaza. Íranar segja Hamas-liða reiðubúna að sleppa gíslum ef Ísrael hættir árásum.

Það er skelfingarástand á Gaza, segir framkvæmdastjóri Unicef á Íslandi. Samtökin krefjast þess að börnum sem er haldið í gíslingu verði tafarlaust sleppt og hjálparsamtök fái aðgang að átakasvæðunum.

Metkjörsókn var í þingkosningum í Póllandi í gær. Ekki er búist við lokatölum fyrr en á morgun. Samkvæmt útgönguspám er stjórnin fallin þótt Lög og réttlæti sé áfram stærsti flokkurinn.

Tólf manns, sem hefur verið synjað um alþjóðlega vernd, hafa leitað á náðir neyðarskýlis Rauða krosssins sem var opnað fyrir tæpum þremur vikum.

Hjartalæknir segist sennilega myndu mæla gegn því að karlmenn, 30 ára og yngri, yrðu bólusettir við COVID-19 í dag. Tilvik hjartavöðvabólgu í kringum þriðju bólusetningina voru algengust hjá þessum aldurshópi hér á landi.

Prófessor í eldfjallafræði býst ekki við eldgosi á Reykjanesskaga fyrr en næsta sumar þótt landris hafi aukist á Reykjanesskaga.

Ísland á ekki lengur möguleika á að komast á Evrópumót karla í fótbolta í undankeppni. EM-draumurinn lifir þó enn. Liðið leikur í kvöld síðasta heimaleikinn í undankeppninni.

Frumflutt

16. okt. 2023

Aðgengilegt til

Rennur ekki út

• 00:01:36 Stríðsátök á Gaza
• 00:03:22 Unicef fundar í Jórdaníu
• 00:05:03 Kosningar í Póllandi
• 00:06:41 Ríki og sveitarfélög deila enn
• 00:10:40 Lyklaskipti ráðherra
• 00:12:05 Isaac Kwateng farinn úr landi
• 00:14:01 Fyrsta flug milli Akureyrar og Keflavíkur
• 00:15:33 Martti Ahtisaari látinn
• 00:16:36 Alþjóðlegur dagur villikatta
• 00:18:09 Þorvaldur Þórðarson um nýtt eldgos
• 00:19:00 Íþróttir
• 00:21:00 Veður
• 00:21:23 Seinni helst
• 06:08:45 Hjartalæknir um áhrif covid-bólusetningar

Útvarpsfréttir.