Hádegisfréttir

Hádegisfréttir 26. nóvember 2023

Kvikan í kvikuganginum í grennd við Grindavík er líklega storknuð að stærstum hluta. Kvika getur aftur rutt sér leið inn í ganginn, enda nýstorknuð kvika veikbyggð. Prófessor í jarðeðlisfræði segir ekki borga sig fyrir íbúa Grindavíkur að fara of fljótt aftur til baka.

Allt bendir til þess að frelsun fleiri gísla úr haldi Hamas-samtakanna á Gaza í dag gangi áfallalaust fyrir sig. Vopnahléssamkomulag milli Hamas og Ísral virðist afar brothætt eftir sviptingar gærdagsins.

Einn er þungt haldinn eftir að eldur kom upp í íbúðarhúsnæði við Stangarhyl í Reykjavík í morgun, tveir aðrir voru fluttir á slysadeild. Mikill eldur var þegar slökkvilið kom á vettvang.

Harðar hömlur á skammtímaleigumarkaði myndu ekki gagnast leigjendum, að mati Samtaka Ferðaþjónustunnar. Vandinn sé þó að of margir stundi skammtímaleigu á svörtum markaði.

Dæmi eru um að látnu fólki séu greiddar bætur á Norðurlöndunum þar sem skráning í einu landi berst ekki til annars. Fulltrúi í norrænum stýrihóp um stjórnsýsluhindranir segir að samræma þurfi allar þjóðskrár á Norðurlöndum til að leysa vandann.

Borgarstjóri kallar eftir breytingum á rekstri íþróttahúsa grunnskóla. Rekstrarhalli þeirra á ársgrundvelli er nú 56 milljónir króna.

Framleiðsla lambakjöts heldur áfram að dragast saman. Lömb, sem færð voru til slátrunar á nýliðnu hausti, voru nærri tuttugu og átta þúsund færri en í fyrra.

Frumflutt

26. nóv. 2023

Aðgengilegt til

Rennur ekki út

• 00:01:48 Stærstur hluti kvikugangsins storknaður
• 00:03:57 Gaza - Vopnahlésdagur þrjú
• 00:05:59 Bruni í Stangarhyl
• 00:07:40 Úkraína - Rússland
• 00:08:29 Vandræði við stóra björgun í Indlandi
• 00:09:04 Skammtímaleiga
• 00:11:03 Látnir fá bætur
• 00:13:33 200 tonna samdráttur í kjötframleiðslu
• 00:14:43 56 milljóna halli á rekstri íþróttahúsa
• 00:15:57 Gámaskip sökk við Lesbos
• 00:16:22 Íþróttir

Útvarpsfréttir.