Hádegisfréttir

Hádegisfréttir 14. nóvember 2025

Fjármálaráðherra segir að áföll sem hafa dunið á hagkerfinu ýti undir lækkun stýrivaxta á miðvikudag. Samkvæmt nýrri þjóðhagsspá Hagstofunnar verður hagvöxtur næstu tveggja ára undir tveimur prósentum.

Það ræðst endanlega á mánudag hvort Ísland verður undanþegið fyrirhuguðum tollum Evrópusambandsins á kísilmálma. Framkvæmdastjórn ESB hefur frestað fundi sem átti að vera í dag.

Minnst fimm voru drepnir í umfangsmiklum árásum Rússlandshers á höfuðborg Úkraínu í nótt og í morgun. Sprengjum var varpað á fleiri borgir, tveir voru drepnir í suðurhluta landsins.

Dregið hefur úr lestri og hlustun á bækur undanfarin ár. Íslendingar lesa að meðaltali í um klukkutíma á dag. Tæplega fimmtungur les aldrei.

Skipulögðum glæpahópum fjölgar og þeir beita sífellt flóknari aðferðum, segir í skýrslu ríkislögreglustjóra. Dæmi eru um að hópar leiti uppi umsækjendur um vernd í búsetuúrræðum yfirvalda.

Helgi Pétursson tónlistarmaður er látinn, 76 ára að aldri. Hann var þekktastur úr Ríó tríói en var lengi í fjölmiðlum og framarlega í réttindabaráttu eldri borgara.

Írska karlalandsliðiðið í fótbolta vann óvæntan sigur á Portúgal í undankeppni HM í gærkvöld. Cristiano Ronaldo var rekinn af velli og átti í orðaskiptum við Heimi Hallgrímsson, þjálfara liðsins.

Frumflutt

14. nóv. 2025

Aðgengilegt til

Rennur ekki út

• 00:01:32 Staðan í ríkisfjármálum
• 00:03:20 Fundur um undanþágu frá ESB
• 00:04:51 Þungar árásir á Kyiv
• 00:06:59 Glæpahópum fjölgar
• 00:08:35 Ráðherra um skort á krabbameinslyfjum
• 00:10:17 Lagt upp í ferð til Mars
• 00:11:28 Helgi Pétursson látinn
• 00:12:42 Íslendingar lesa minna en áður
• 00:14:18 Ákærður enn einu sinni
• 00:15:13 Nikótínskattur skilar talsvert minna en búist var
• 00:16:15 Þorvaldur um Landris
• 00:17:17 Gagnrýni á lög um hámarkshraða í Slóvakíu
• 00:18:30 Íþróttir

Útvarpsfréttir.