Hádegisfréttir

Hádegisfréttir 4. nóvember 2025

Icelandair sagði í dag upp tæplega fjörutíu starfsmönnum, aðallega á skrifstofum félagsins í hagræðingaraðgerðum. Formaður VR segir áfall að missa vinnuna, ekki síst núna þegar blikur eru á lofti. Félagið haldi vel utan um sitt fólk sem sagt var upp.

Lögregla telur að svikurum, sem náðu hundruðum milljóna út úr Landsbankanum, gefist tóm til að koma fjármunum undan fyrst þeir hafi ekki verið úrskurðaðir í gæsluvarðhald.

Reykjavíkurborg verður rekin með nærri nítján milljarða afgangi samkvæmt fjárhagsáætlun næsta árs. Borgarstjóri segir rekstur borgarinnar í góðu jafnvægi.

Dómsmálaráðherra hefur rætt alvarlega við ríkislögreglustjóra um stöðu hennar í embætti. Málið er til skoðunar í ráðuneytinu.

Skoðanakannanir benda til þess að Zohran Mamdani, sósíalisti á fertugsaldri, verði næsti borgarstjóri í New York. Búist er við metkjörsókn.

Framkvæmdastjóri Samtaka Iðnaðarins telur að verðbólga myndi mælast einu prósentustigi minni ef Hagstofan hefði ekki breytt mælingaraðferðum sínum fyrir ári síðan. Hagfræðingur Íslandsbanka bendir á að eftir breytinguna hafi verðbólga mælst minni.

Öryggisráð Súdan, sem er stutt af hernum, ræðir í dag tillögur að vopnahléi í landinu sem Bandaríkin eiga þátt í að setja fram. Borgarastríð hefur staðið í tvö og hálft ár.

Knattspyrnusamband Íslands þarf að huga betur að markaðssetningu fyrir leiki kvennalandsliðsins segir stjórnarmaður.

Frumflutt

4. nóv. 2025

Aðgengilegt til

Rennur ekki út

• 00:01:37 Uppsagnir hjá Icelandair
• 00:03:16 Fái rými til að koma fjármunum undan
• 00:05:12 Borgin kynnir fjárhagsáætlun 2026
• 00:07:48 Dómsmálaráðherra um ríkislögreglustjóra
• 00:09:34 Borgarstjórakjör í New York í dag
• 00:11:16 Breyttar verðbólgumælingar
• 00:12:50 Annað og meira þurfi til að draga úr hvaða til íbú
• 00:14:11 Dick Cheney látinn
• 00:14:53 Vopnahlésviðræður í Súdan
• 00:16:39 Jólaundirbúningur
• 00:18:09 Íþróttir

Útvarpsfréttir.