Hádegisfréttir

Hádegisfréttir 23. september 2025

Drónaflug við Kaupmannahafnarflugvöll er alvarlegasta árás á innviði Danmerkur hingað til, segir forsætisráðherrann. Loka þurfti aðalflugvöllum í Osló og Kaupmannahöfn í gær vegna dróna sem sáust á flugi. Óljóst er hver var að verki.

Þeir sem stóðu fyrir drónafluginu hljóta að vera fjársterkir, ríki eða glæpahópur segir ríkislögreglustjóri.

Bandaríkjaforseti leggur hart að barnshafandi konum að taka ekki parasetamol vegna meintra tengsla þess við einhverfu hjá börnum. Heilbrigðisráðherra segir ekki hægt að ráða fólki frá því að taka ákveðin lyf, án ítarlegra rannsókna.

Uppgangur á snyrtistofumarkaðnum á sér myrkar hliðar. Í fyrsta Kveiksþætti haustsins verður fjallað um óleyfisstarfssemi og bágar aðstæður erlends starfsfólks á sumum snyrtistofum.

Ekki á að skoða stöðu togveiða sérstaklega þrátt fyrir áherslu umhverfisráðherra á vernd hafsvæða umhverfis landið. Atvinnuvegaráðherra segir ástand nytjastofna betra hér en víða.

Nítján ára Eyjamaður hefur staðið í ströngu við að bjarga fuglum í allt sumar. Hátt í hundrað sjófuglar hafa fengið skjól á heimili hans.

Kári Kristján Kristjánsson fyrrverandi landsliðsmaður í handbolta hefur skrifað undir samning við Þór. Hann er spenntur að miðla reynslu sinni til nýliðanna.

Frumflutt

23. sept. 2025

Aðgengilegt til

Rennur ekki út

• 00:01:32 Drónar yfir Kastrup-flugvelli m
• 00:04:04 Ríki eða glæpahópar að verki m
• 00:07:15 Föst á Kastrup með 30 börn m
• 00:08:42 Norður-Atlantshafsráðið m
• 00:09:12 Heilbrigðisráðherra um tengsl Tylenol og einhverfu
• 00:11:14 Vinnumansal á snyrtistofum - Kveikur m
• 00:12:37 Hanna Katrín um togveiðar m
• 00:13:51 Vatnsbólaæfing almannavarna m
• 00:15:59 Bjargaði 91 fugli í sumar m
• 00:17:44 Íþróttir m

Útvarpsfréttir.