Hádegisfréttir

Hádegisfréttir 8. ágúst 2025

Öryggisráð Ísraelsstjórnar samþykkti í nótt að herinn tæki yfir Gaza-borg. Áætlunin hefur víða verið gagnrýnd og Þjóðverjar ætla að hætta vopnasölu til Ísraels.

Áhættumat lögreglu og Víkings fyrir leik gegn Bröndby í gær gaf ekki tilefni til aukins viðbúnaðar, að sögn lögreglu. Framkvæmdastjóri knattspyrnudeildar Víkings segir að lögregla hafi ekki mætt á öryggisfund þrátt fyrir að hafa boðað komu sína.

Forsætisráðherra álítur öll samskipti sín við Evrópusambandið hagsmunagæslu. Engar aðildarviðræður verði án samþykkis í þjóðaratkvæðagreiðslu.

Nýliðun meðal sauðfjárbænda verður ekki meðan reksturinn stendur vart undir sér, að mati bændasamtakana. Afurðaverð í komandi sláturtíð er vonbrigði.

Sextíu og fjögur ný hjúkrunarrými bætast við með nýju hjúkrunarheimili í Kópavogi sem opnað verður formlega í september. Bið eftir hjúkrunarrými hefur aldrei verið lengri.

Skaflinn í Gunnlaugsskarði í Esjunni er horfinn, óvenju snemma - hann hefur tvisvar sinnum áður bráðnað fyrr á árinu, svo vitað sé. Skaflinn hefur verið óformlegur mælikvarði á tíðarfar á suðvesturhorni landsins áratugum saman.

Heyskapur með gamla laginu, traktorafimi og kerruakstur fyrir börn er á dagskrá Hvanneyrarhátíðar sem haldin er í fimmtánda sinn um helgina.

Frumflutt

8. ágúst 2025

Aðgengilegt til

Rennur ekki út

• 00:01:31 Öryggisráð vill yfirráð yfir Gaza-borg
• 00:04:49 Óeirðir á Víkingsleik
• 00:07:07 Hagsmunagæsla og aðild að ESB
• 00:09:04 Bændur ósáttir með afurðaverð
• 00:11:17 Vinnuslys í Skagafirði
• 00:11:46 Rúmlega 10.000 hótel í málsókn gegn Booking.com
• 00:12:49 Brellinn forseti Kamerún
• 00:14:10 Nýtt hjúkrunarheimili í Boðaþingi
• 00:15:44 Skaflinn í Gunnlaugsskarði horfinn
• 00:16:20 Hvanneyrarhátíð hefst
• 00:17:53 Íþróttir
• 00:20:14 Veður
• 00:20:48 Seinni helst

Útvarpsfréttir.