Hádegisfréttir

Hádegisfréttir 20.október 2025

Ísraelsher hefur drepið hátt í hundrað á Gaza frá því að vopnahlé tók gildi. Ísraelsk stjórnvöld hafa opnað aftur fyrir neyðaraðstoð inn á Gaza.

Þrjár moskítóflugur fundust í Kjós á dögunum. Það er í fyrsta sinn sem flugurnar finnast hér á landi.

Jarðskjálftar hafa orðið í þremur landshlutum í morgun. Kröftug skjálftahrina er í Mýrdalsjökli, og jörð hefur skolfið á Norður- og Vesturlandi.

Netþjónusta og smáforrit liggja niðri víðs vegar um heim vegna bilunar í gagnaveri Amazon í Bandaríkjunum. Áhrifin eru minniháttar hér á landi.

Fimm alþjóðleg félagasamtök og tvenn íslensk afhenda atvinnuvegaráðherra um 300.000 undirskriftir í hádeginu þar sem stjórnvöld eru hvött til að banna blóðmerahald.

Fyrstu lotu verkfalls flugumferðarstjóra er lokið og sú næsta verður í nótt. Enginn fundur hefur verið boðaður í kjaradeilunni.

Tvær af þremur þyrlum Landhelgisgæslunnar fara í stóra viðhaldsskoðun á næsta ári og verða ónothæfar á meðan.

Fjölga þarf úrræðum fyrir börn með fjölþættan vanda, segir formaður Kennarasambands Íslands, til að tryggja öryggi í skólum. Skólastjóri í grunnskóla segir það færast í aukana að nemendur ráðist á kennara.

Louvre-listasafnið í París er enn lokað. Brotist var þar inn í gær og ómetanlegum skartgripum stolið. Þjófanna er enn leitað.

Dagur Kári Ólafsson fimleikamaður er kominn í úrslit í fjölþraut á heimsmeistaramótinu í Djakarta. Hann er annar Íslendingurinn sem kemst í úrslit á HM og sá fyrsti í fjölþraut.

Frumflutt

20. okt. 2025

Aðgengilegt til

Rennur ekki út

• 00:01:47 100 drepin frá því vopnahlé hófst
• 00:03:33 Moskítóflugur komnar til Íslands
• 00:05:33 20 manns missa vinnuna hjá Vinnslustöðinni
• 00:06:05 Skjálftahrina í Mýrdalsjökli
• 00:06:54 Netbilun hjá Amazon hefur áhrif á Íslandi
• 00:08:24 Krefjast banns við blóðmerahaldi
• 00:10:01 Kjaradeila flugumferðastjóra
• 00:11:52 Tvennt flutt á slysadeild
• 00:12:11 Ein þyrla
• 00:13:34 Úrræðaleysi vegna barna með fjölþættan vanda
• 00:15:08 Pistorius og Kristrún funda
• 00:15:46 Leitað að Louvre-þjófunum
• 00:17:23 Sama mynd í sama bíói í 30 ár
• 00:18:41 Íþróttir
• 00:20:46 Veður
• 00:21:08 Seinni helst

Útvarpsfréttir.