Hádegisfréttir

Hádegisfréttir 27. nóvember 2024

Vonast er til að rafmagnsframleiðsla hefjist aftur í Svartsengi um helgina. Nýtt mastur var reist innan varnargarðanna í nótt. Ólíklegt er að hægt verði að opna Bláa lónið í vikunni.

Þúsundir Líbana sem flúðu heimili sín í suðurhluta landsins flykkjast heim þegar vopnahlé hefur tekið gildi eftir tveggja mánaða hörð átök. Þjóðarleiðtogar krefjast vopnahlés á Gaza.

Stórir raforkukaupendur sækjast í auknum mæli eftir orku sem ætluð er heimilum og fyrirtækjum. Fyrirboðar um hækkun raforkuverðs eru farnir að birtast á uppboðsmarkaði.

Það sem af er ári hefur sjö hundruð fimmtíu og tveimur verið snúið við á landamærunum á Keflavíkurflugvelli og meinað að koma inn í landið. Þeir hafa aldrei verið fleiri.

Þingmenn á Evrópuþinginu samþykktu í morgun nýja framkvæmdastjórn Evrópusambandsins, undir forystu Ursulu von der Leyen. 370 þingmenn greiddu atkvæði með, en tvö hundruð áttatíu og tveir voru á móti.

Kosningabaráttan veldur því að ráðherrar hafa verið sjaldséðir á fundum erlendis. Ísland tekur til að mynda ekki þátt í leiðtogafundi Norðurlandanna og Eystrasaltsríkjanna í Svíþjóð.

Aldrei hefur verið meiri þörf fyrir jólaaðstoð Velferðarsjóðs Eyjafjarðasvæðis. Um tuttugu milljónir króna fara í aðstoð til fjölskyldna að þessu sinni.

Frumflutt

27. nóv. 2024

Aðgengilegt til

Rennur ekki út

• 00:01:39 Rafmagnsmastrið komið upp innan varnargarðanna
• 00:03:26 Vopnahlé í gildi í Líbanon
• 00:05:18 Kjaraviðræður lækna og kennara
• 00:05:40 Vilja stöðva leka milli markaða
• 00:07:59 Ný framkvæmdastjórn ESB
• 00:10:18 Ráðherrar mæta ekki á fundi
• 00:10:58 Aldrei fleiri landamærafrávísanir
• 00:12:22 Stórt fíkniefnamál
• 00:13:09 Samfélagsmiðlar bannaðir innan 16 ára
• 00:14:33 Spánverjar boða viðbrögð
• 00:15:12 Høiby laus úr varðhaldi
• 00:15:45 Milljónir í jólaaðstoð við Eyjafjörð
• 00:17:34 Íþróttir
• 00:19:38 Veður
• 00:20:27 Seinni helst

Útvarpsfréttir.