Hádegisfréttir

Hádegisfréttir 01. desember 2023

Átök hófust aftur á Gaza í morgun eftir vikulangt vopnahlé. Eldflaugum var skotið að Ísrael frá Gaza og Ísraelsher hóf loftárásir.

Loftslagsráðstefnan í Dubai verður að marka tímamót, sagði Karl Bretakonungur við upphaf COP28 í morgun. Þetta er fjölmennasta ráðstefnan frá upphafi. Miklar vonir eru bundnar við hana en ólíklegt samstaða náist um róttækar aðgerðir.

Hópur fólks lokaði leið að fangelsinu á Hólmsheiði í nótt til að koma í veg fyrir að íslensk kona, sem stendur í forræðisdeilu við barnsföður sinn, yrði framseld til Noregs.

Engin tilboð bárust í byggingu nýs hjúkrunarheimilis á Húsavík. Áætlað er að byggingin kosti fimm milljarða króna.

Hátt í sex þúsund börn af erlendum uppruna stunduðu nám í íslenskum grunn- og framhaldsskólum á síðasta skólaári. Hlutfall barna foreldra af annarri kynslóð innflytjenda hefur ellefufaldast frá 2006.

Starfshópur um ný atvinnutækifæri á Seyðisfirði hefur fengið fjölda hugmynda að nýjum störfum sem gætu fyllt í skarðið sem lokun frystihússins skilur eftir í bænum. Heilsársstörfum í bænum fækkar um 30 þegar vinnslan lokar vor.

Íslensku kvennalandsliðin í fótbolta og handbolta eru í eldlínunni þessa dagana. Handboltaliðið tapaði fyrir Slóvenum í fyrsta leik á HM í gærkvöldi en í kvöld er komið að mikilvægum leik fótboltalandsliðsins gegn Wales í Þjóðadeildinni.

Frumflutt

1. des. 2023

Aðgengilegt til

Rennur ekki út

• 00:01:41 Staðan á Gaza
• 00:03:24 COP28 hafin í Dubai
• 00:05:33 Greining á COP28 ráðstefnunni
• 00:07:38 Mótmæltu framsali
• 00:09:10 Líklegt að lífeyrissjóðurinn áfrýi
• 00:10:58 Ríkissaksóknari áfrýjar dómi yfir ungum piltum
• 00:11:34 Enginn vill byggja hjúkrunarheimili á Húsavík
• 00:13:07 Fjölgun barna innflytjenda í grunnskólum
• 00:14:34 Ný tækifæri í stað frystihúss
• 00:16:35 Dagur íslenskrar tónlistar
• 00:17:57 Íþróttir
• 00:21:05 Veður
• 00:21:19 Seinni helst

Útvarpsfréttir.