Hádegisfréttir

Hádegisfréttir 15. september 2025

Lögreglan á höfuðborgarsvæðinu segir Vítisengla - eða Hells Angels - skilgreinda um allan heim sem glæpasamtök og ekki sé hægt að stofna íslenska deild sem standi utan við slíka starfsemi. Lögregla hafði afskipti af samkomu Vítisengla um helgina.

Alþjóðasamningur um takmörkun ríkisstyrkja í sjávarútvegi gekk í gildi í morgun. Hann er talinn marka tímamót í baráttu fyrir sjálfbærri nýtingu sjávarauðlinda.

Utanríkisráðherra Bandaríkjanna hittir forsætisráðherra Ísraels í Jerúsalem í dag. Árás Ísraelshers á leiðtoga Hamas í Doha í Katar er líklega eitt helsta umræðuefnið. Bandaríkjaforseti hefur gagnrýnt árásina.

Bæði núverandi og fyrrverandi borgarstjóri gefa kost á sér í borgarstjórnarkosningum í vor, sem og oddviti Sjálfstæðisflokksins. Oddviti Viðreisnar ætlar ekki fram.

Sveitarstjórinn í Múlaþingi segir að fyrirmæli frá kjararáði Kennarasambands Íslands hafi ráðið því að fatlaðri stúlku var synjað um þjónustu í kennaraverkfalli. Lögfræðingur segir ábyrgð sveitarfélagsins hafa verið skýra frá upphafi.

Farsímasamband gæti versnað víða í óbyggðum þegar slökkt verður á 2G og 3G farsímakerfum. Ferðamálastofa mælist til þess að fyrirtæki í ferðaþjónustu yfirfari búnað.

Frumflutt

15. sept. 2025

Aðgengilegt til

Rennur ekki út

• 00:01:35 Lögreglan um vítisengla
• 00:04:21 Samið um takmörkun ríkisstyrkja í sjávarútvegi
• 00:06:44 Marco Rubio í Ísrael
• 00:08:47 Sanchez vill Ísrael úr alþjóðlegum íþróttamótum
• 00:09:26 Oddvitar í Reykjavík um framboð
• 00:10:55 Ferðaþjónustan undirbúi lokun 2G og 3G
• 00:12:10 Óvænt laus leikskólapláss
• 00:13:47 Sveitarfélög bera ábyrgð á þjónustu við fatlaða
• 00:15:34 Misjöfn kjörsókn eftir hópum
• 00:16:20 Adolescence sigursælast á Emmy
• 00:18:10 Íþróttir

Útvarpsfréttir.