Hádegisfréttir

Hádegisfréttir 17. ágúst 2025

Leiðtogar fjölda Evrópuríkja ætla að fylgja Úkraínuforseta til fundar við Bandaríkjaforseta í Washington á morgun. Utanríkisráðherra Íslands segir að Rússar megi ekki ná sínu fram gagnvart Úkraínu með frekju, yfirgangi og drápum.

Rannsókn máls þar sem grunur leikur á að leikskólastarfsmaður hafi brotið gegn leikskólabarni miðar vel en er á viðkvæmu stigi.

Tugir þúsunda mótmæla ísraelskum stjórnvöldum í Tel Aviv í dag.

Félagar í Veiðifélagi Miðfjarðarár í Vestur-Húnavatnssýslu hafa þverað ána með stórum grjóthnullungum nærri tvö hundrað metra leið. Þeir vilja vera við öllu búnir eftir að eldislaxar úr sjókvíaeldi fundust í Haukadalsá í Dalasýslu fyrir nokkrum dögum.

Ferðum Strætó á höfuðborgarsvæðinu fjölgar til muna frá og með deginum í dag. Ekki eiga að líða nema tíu mínútur á milli vagna á helstu leiðum á annatíma, og strætó stoppar nálægt mun fleiri íbúum en áður.

Hægt hefur á fólksfækkun í flestum sveitarfélögum sem taka þátt í verkefninu Brothættar byggðir. Eftirspurn eftir þátttöku er mikil.

Breiðablik varð bikarmeistari kvenna í fótbolta í gærkvöld. Liðið lenti í erfiðleikum með FH, sem var í úrslitum í fyrsta skipti, en hafði að lokum betur í framlengdum leik.

Frumflutt

17. ágúst 2025

Aðgengilegt til

Rennur ekki út

• 00:01:39 Evrópuleiðtogar fylgja Zelensky
• 00:05:36 Rannsókn á kynferðisbroti gegn barni
• 00:06:12 Jarðskjálftinn var 3,3
• 00:06:50 Allsherjarverkfall í Ísrael
• 00:08:16 Frederiksen: ekki tímabært að viðurkenna Palestínu
• 00:08:44 Grjótgarður lagður yfir Miðfjarðará
• 00:10:53 Strætó fjölgar ferðum
• 00:12:41 Atvinnuvegaráðherra um bílastæði
• 00:14:28 Brothættar byggðir
• 00:15:55 Borgarstjóri ákærð fyrir spillingu
• 00:17:01 Íþróttir

Útvarpsfréttir.