Hádegisfréttir

Hádegisfréttir 28.febrúar 2025

Bjarni Benediktsson segir þetta hárréttan tíma fyrir sig og Sjálfstæðisflokkinn að hann hætti í stjórnmálum. Hann sjái ekki eftir þeirri ákvörðun. Framtíðin sé óráðin. Í dag hefst Landsfundur flokksins sem Bjarni ávarpar í síðasta sinn sem formaður.

Zelensky Úkraínuforseti kemur til fundar við Donald Trump, forseta Bandaríkjanna, í dag. Merki eru um þíðu þeirra á milli

Lögreglan á höfuðborgarsvæðinu handtók karlmann á miðvikudag, grunaðan um að hafa keypt aðgang að barnaníðsefni sem var búið til með gervigreind. Víða ná engin lög yfir slík brot.

Bæjarstjórinn í Kópavogi óttast höfrungahlaup vegna nýrra kjarasamninga kennara. Sveitarfélögin verði að ráðast í hagræðingu axli ríkið ekki ábyrgð á sínum þætti.

Rúmur sólarhringur er þar til fyrsti hluti vopnahlés á Gaza rennur sitt skeið. Ísraelar eru sagðir vilja framlengja þann hluta í stað þess að koma á varanlegu vopnahléi.

Austur/vestur-flugbraut Reykjavíkuflugvallar var opnuð á miðnætti í gær fyrir sjúkraflug. Undanþágan er tímabundin og rennur út í byrjun maí.

Fimm ár eru síðan fyrsta covid-smitið greindist hér á landi. Síðan þá hafa tæplega 160 þúsund smit vera staðfest og rúmlega 300 látist af völdum sjúkdómsins.

Fram og Haukar tryggðu sér sæti í bikarúrslitum kvenna í handbolta sem eru á morgun.

Frumflutt

28. feb. 2025

Aðgengilegt til

Rennur ekki út

• 00:00:00 Helst
• 00:01:37 Bjarni Benediktsson - viðtal
• 00:03:27 Landsfundur Sjálfstæðisflokksins
• 00:05:36 Zelensky í Hvíta húsið
• 00:07:13 Íslendingur í rannsókn Europol
• 00:08:26 Bæjarstjóri um kjarasamninga
• 00:10:15 Kjaramálin hagfræðingur
• 00:11:15 Hagvöxtur
• 00:11:56 Ræða vopnahlé í kappi við tímann
• 00:13:34 Flugbraut opnar f sjúkraflug
• 00:14:55 Stjórnarmyndun hefst í Þýskalandi
• 00:15:35 Krónískur flæðisvandi LSH
• 00:16:53 5 ár frá fyrsta COVID-smiti
• 00:18:56 Íþróttir

Útvarpsfréttir.