Að minnsta kosti 150 eru í lífshættu eftir að þúsundir símboða Hezbollah-liða sprungu í Líbanon í gær. Ísraelsk stjórnvöld eru sögð hafa virkjað sprengjurnar á undan áætlun eftir að grunur vaknaði innan raða Hezbollah um að ekki væri allt með felldu.
Rannsókn á láti stúlkunnar sem fannst í Krýsuvík miðar vel að sögn lögreglunnar. Prestur, sem ásamt fleirum, hefur rætt við vini og skólasystkini stúlkunnar segir að áhersla hafi verið lögð á það við börnin að taka ekki mark á sögusögnum heldur halda sig við það sem vitað er.
Umboðsmaður Alþingis hefur ekki tekið ákvörðun um hvort hann athugar að eigin frumkvæði meðferð stjórnvalda á fatlaða dregnum sem sóttur var á heilbrigðisstofnun af lögreglu og fluttur á Keflavíkurflugvöll.
Varaformaður þingflokks Viðreisnar sakar ríkisstjórnina um málaþurrð. Öll orka fari í innra ósætti stjórnarflokkanna en brýn hagsmunamál þjóðarinnar allrar bíði.
Dulkóðaður samskiptamiðill sem notaður var til skipulagðrar glæpastarfsemi var hýstur af vefþjóni á Íslandi. Lögregla telur ekki að hann hafi verið notaður af glæpamönnum hér.
Slæmar samgöngur á sunnanverðum Vestfjörðum bitna á iðnaði, ferðaþjónustu og velferð íbúa. Frost er í útboðum, viðhaldsfé skortir og framkvæmdir á svæðinu eru aftarlegaí forgangsröðun samgönguáætlunar.
Fyrir fjörutíu árum lauk síðasta gosi Kröfluelda, jarðhræringum sem vísindamenn hafa oft líkt við umbrotin á Reykjanesskaga. Um helgina verður haldin goslokahátíð í fyrsta sinn.
