Hádegisfréttir

Hádegisfréttir 5. nóvember 2025

Dómsmálaráðherra segir ekki hægt að hafa allar gáttir inn í landið opnar. Umsóknir um dvalarleyfi námsmanna og aðstandenda þeirra frá Gana, Nígeríu og Pakistan eru helmingi fleiri en í fyrra.

Sviðstjóri Skóla- og frístundasviðs segir að bregðast eigi við manneklu á leikskólum Reykjavíkurborgar. Leikskólum er miklu oftar lokað vegna manneklu í Reykjavík en í öðrum sveitarfélögum.

60 prósent landsmanna treysta Kristrúnu Frostadóttur forsætisráðherra samkvæmt nýrri könnun Maskínu. 55 prósent vantreysta Guðmundi Inga Kristinssyni, mennta- og barnamálaráðherra.

Zohran Mamdani varð í gærkvöld yngsti borgarstjórinn í sögu New York. Hann segir kjósendur hafa valið að búa í borg sem fólk hafi efni á að búa í.

Verkefnastjóri verðlagseftirlits ASÍ segir ekki koma á óvart að fólk fresti innkaupum fram yfir mánaðamót í mikilli verðbólgu og háum vöxtum. Svigrúm sé til að lækka verð miðað við uppgjör stærstu matvöruverslanakeðjanna.

Stofnanir bandaríska alríkisins hafa verið lokaðar í 36 daga, sem er met. Bandaríkjastjórn varar við verulegum áhrifum á farþegaflug og bótagreiðslur.

Framkvæmdastjóri meðferðarsviðs SÁÁ segir gleðiefni að ríkið vilji semja um greiðslur fyrir meðferð við spilafíkn. Hún hafi ekki haft sama forgang og aðrir fíknisjúkdómar.

Tennisleikararnir Aryna Sabalenka og Nick Kyrgios mætast í baráttu kynjanna í desember, endurgerð á frægri viðureign Billie Jean King og Bobbys Riggs fyrir um hálfri öld.

Frumflutt

5. nóv. 2025

Aðgengilegt til

Rennur ekki út

• 00:01:40 Dómsmálaráðherra um námsleyfi útlendinga
• 00:03:49 Borgin um leikskólamál
• 00:05:23 Traust til ráðherra
• 00:06:39 Mamdani kjörinn borgarstjóri New York
• 00:08:14 Flugumferðarstjórar
• 00:08:47 Telur svigrúm til að lækka verð
• 00:10:22 Halla Hrund vill sérstaka umræðu um stöðu barna
• 00:11:58 Alríkislokunin í Bandaríkjunum sú lengsta í sögunn
• 00:13:26 Keyrt á í hóp fólks í Frakklandi
• 00:13:51 Spilafíkn
• 00:15:30 Hæstiréttur ógildir ákvörðun Persónuverndar
• 00:16:06 Réttað yfir Alberti
• 00:16:28 Hefja sölu á neyðarkallinum
• 00:18:41 Íþróttir

Útvarpsfréttir.