Hádegisfréttir

Hádegisfréttir 22.október 2025

Skagamenn eru uggandi yfir lokun annarrar kerlínu Norðuráls á Grundartanga. Framleiðslan dróst saman um tvo þriðju og óvíst er hvenær hún hefst á ný.

Starfsemi erlendra veðmálasíðna hér á landi er komin til að vera, segir dómsmálaráðherra. Hafa þurfi eftirlit með starfseminni og að hún skili tekjum í ríkissjóð.

Björgunarsveitir voru kallaðar út á Suðausturlandi í morgun. Norðanhríð er á Austurlandi og Fjarðarheiði er lokuð. Óvíst er hvort hún verður opnuð í dag.

Varaforseti Bandaríkjanna og forsætisráðherra Ísraels eru sammála um að friðaráætlun Donalds Trumps geti stuðlað að stöðugleika í Mið-Austurlöndum. Þrýst á ísraelsk stjórnvöld að rýmka frekar fyrir neyðaraðstoð inn á Gaza.

Formaður félags flugumferðarstjóra er bjartsýnn á að hægt verði að aflýsa frekari verkfallsaðgerðum. Boðuð vinnustöðvun á morgun ylli mikilli röskun.

Sænsk stjórnvöld ætla að kynna vopnasendingar til Úkraínu á blaðamannafundi með forseta Úkraínu eftir hádegið.

Moskító-flugur teljast ekki hafa numið hér land nema þær lifi veturinn að mati sérfræðinga sem telja þær þó fullfærar um það.

Hvorki verða skíðamenn frá Rússlandi né Belarús á Ólympíuleikunum á Ítalíu í byrjun næsta árs því Alþjóðaskíðasambandið bannar þeim áfram þátttöku í alþjóðlegum keppnum.

Frumflutt

22. okt. 2025

Aðgengilegt til

Rennur ekki út

• 00:00:00 Helst
• 00:01:30 Norðurál
• 00:02:55 Dómsmálaráðherra vill umgjörð um veðmálasíður
• 00:04:42 Útköll vegna óveðus á Suðausturlandi
• 00:06:32 Vance ræddi við Netanjahú
• 00:08:38 Fangavörður rekinn
• 00:08:55 Flugumferðarstjórar funda hjá sáttasemjara
• 00:10:16 Zelensky og aðdragandi leiðtogafunda
• 00:12:36 Moskítóflugan skárri en lúsmý
• 00:14:11 Landsmenn bregðast við komu moskítóflugunnar
• 00:15:14 Gæsluvarðhald framlengt í Múlaborgarmáli
• 00:15:47 Sýknaður í Ímon-máli áratug síðar
• 00:17:27 Sakharov verðlaunin
• 00:18:03 Íþróttir

Útvarpsfréttir.