Hádegisfréttir

Hádegisfréttir 19. september 2025

Hátt verð fíkniefna á Íslandi, er hvati til að smygla þeim til landsins. Lögreglan á Suðurnesjum hefur aldrei lagt hald á meira af fíkniefnum en síðustu ár. Erlendum ríkisborgurum í afplánun hefur fjölgað mikið.

Lögregla taldi að lagaskilyrði vantaði til að fara fram á áframhaldandi gæsluvarðhald yfir manni sem grunaður er um að hafa farið inn á heimili og brotið á barni í Hafnafirði um helgina.

120 skip voru svipt haf-færis-skírteini í dag þar sem frágangur björgunarbáta var ófullnægjandi. Fyrirtækið Skipavík sem þjónustaði skipin hefur skilað inn starfsleyfi sínu.

Evrópusambandið ætlar að banna alfarið innflutning á gasi frá Rússlandi og herða reglur gagnvart fjármálafyrirtækjum sem starfa með Rússum.

Fólk sem rekur ferðaþjónustu á Borgarfirði eystra hefur þurf að handmoka veginn yfir Vatnsskarð til að koma gestum í flug. Borgfirðingar vilja meiri mokstur.

Demókratar á Bandaríkjaþingi boða tjáningarfrelsisfrumvarp eftir að spjallþáttur Jimmys Kimmel var tekinn af dagskrá. Kollegar Kimmels fylktu sér að baki honum og vöruðu við einræðistilburðum stjórnvalda.

Bæjarstjóri í Hafnarfirði segir að bærinn sé að verða uppiskroppa með land og endurskoða verði vaxtarmörk höfuðborgarsvæðsins.

Kúluvarparinn Erna Sóley Gunnarsdóttir keppir síðust Íslendinga á heimsmeistaramótinu í frjálsíþróttum í Tókýó í Japan seint í kvöld. Hún ætlar að sýna hvað í henni býr eftir erfitt tímabil.

Frumflutt

19. sept. 2025

Aðgengilegt til

Rennur ekki út

• 00:01:43 Erlendir fangar í íslenskum fangeslum
• 00:04:12 Ekki lagaleg skilyrði fyrir gæsluvarðhaldi
• 00:06:19 120 skip svipt haffærisskírteini
• 00:08:05 Refsiaðgerðir gegn Rússlandi
• 00:10:43 Beita fordæmalausu valdi á Gaza
• 00:11:17 Vilja láta ryðja Vatnsskarð á laugardögum
• 00:13:06 Hvassar hviður
• 00:13:22 Þáttastjórnendur standa með Kimmel
• 00:15:02 Tjáningarfrelsisfrumvarp í Bandaríkjaþingi
• 00:16:15 Hafnarfjörð vantar land
• 00:17:50 Íþróttir
• 00:20:04 Veður
• 00:20:39 Seinni helst

Útvarpsfréttir.