Starfsmaður leikskóla í Reykjavík hefur verið úrskurðaður í gæsluvarðhald grunaður um kynferðisbrot gegn barni í skólanum.
Forstjóri Landspítalans segir ástandið í krabbameinsmeðferð grafalvarlegt. Naumhyggja hafi einkennt áætlanir spítalans og því þurfi að breyta.
Stór hluti laxa í Haukadalsá, sem talinn var vera eldislax, reyndist við nánari skoðun vera hnúðlax.
Sýni úr fiskunum verða send til greiningar í dag. Ugg setti að laxasérfræðingi þegar hann sá laxana koma upp úr ánni. Arctic Fish sem á götóttu kvína í Dýrafirði segist fara að öllum reglum um sjókvíaeldi.
Ómögulegt þykir að spá fyrir um niðurstöðu sögulegs fundar Donalds Trump og Vladimírs Pútín í Alaska í dag. Hvort og þá hvaða skref verður stigið í átt til friðar í Úkraínu, á eftir að koma í ljós.
ASÍ segir að styrking krónunnar skili sér ekki í lækkuðu bensínverði. Forstjóri N1 segir framsetningu sambandsins villandi og hafnar því alfarið að olíufélögin samræmi verðlagningu sína., eins og greining ASÍ bendir til.
Menningarráðuneytið hefur tekið til skoðunar hvernig bregðast megi við djúpfölsun. Þótt friðhelgi einkalífs njóti verndar í stjórnarskrá, er ekki á hreinu að það sé ólöglegt að nýta gervigreind til að líkja eftir útliti eða rödd fólks.
Veðurstofan varar við eldingum á við Faxaflóa og Breiðafjörð fram yfir hádegi og í eftirmiðdaginn tekur gildi viðvörun sem gildir framá sunnudag vegna allhvassrar suðvestanáttar á vestan- og norðvestanverðu landinu.
Handboltamaðurinn Kári Kristján Kristjánsson hefur að eigin sögn spilað sinn síðasta leik fyrir ÍBV. Hann var með munnlegt samkomulag um nýjan samning í vor en ekki var staðið við það.
