Hádegisfréttir

Hádegisfréttir 27. júní 2025

Nýjar verðbólgutölur hafa líklega áhrif á vaxtaákvarðanir Seðlabankans, að sögn hagfræðings hjá Íslandsbanka. Verðbólga eykst á milli mánaða, fyrst og fremst vegna óvenjumikillar hækkunar á flugfargjöldum.

Ísraelskum hermönnum er skipað að skjóta á óvopnaða íbúa Gaza við úthlutunarstöðvar hjálpargagna. Þetta kemur fram hjá ísraelska miðlinum Haaretz þar sem rætt er við hermenn og yfirmenn í Ísraelsher.

Enn hefur ekki verið samið um afgreiðslu mála á Alþingi og þinglok. Hæst ber umræða um veiðigjaldsfrumvarp ríkisstjórnarinnar sem er orðið sjötta mest rædda þingmál sögunnar.

Atvinnuvegaráðherra segist verulega hugsi yfir þeim vinnubrögðum sem Samtök fyrirtækja í sjávarútvegi hafi tamið sér í tengslum við veiðigjaldsfrumvarpið. Samtöl sem hún eigi við önnur hagsmunasamtök séu í allt öðrum dúr.

Norska lögreglan hefur lokið rannsókn á stjúpsyni norska krónprinsins. Hann er grunaður um 23 brot, meðal annars þrjár nauðganir og heimilisofbeldi.

Formaður Kennarasambands Íslands segir margar góðar ábendingar í nýrri skýrslu OECD, þar sem lýst er áhyggjum af stöðu íslenska menntakerfisins. PISA-könnunin sé þó ekki óumdeilanlegur mælikvarði.

Veruleg hætta er á að vitinn við Gjögurtá fremst við austanverðan Eyjafjörð falli í sjó fram. Hallinn er orðinn það mikill að vitinn lýsir ekki lengur í samræmi við sjókort. Vegagerðin ætlar að bregðast við.

Frumflutt

27. júní 2025

Aðgengilegt til

Rennur ekki út

• 00:01:41 Alþingi
• 00:04:28 Atvinnuvegaráðherra um SFS
• 00:06:08 Skipað að skjóta fólk í leit að mat
• 00:07:44 Verðbólgan þokast upp á við
• 00:09:52 Utanríkisráðherra um Trump ummæli
• 00:10:42 Stjúpsonur krónprins Noregs grunaður um 23 brot
• 00:12:08 Kennarar um OECD-skýrslu
• 00:14:19 Gæsluvarðhald framlengt
• 00:14:45 Hætta á falli Gjögurtáarvita
• 00:16:30 Rjúpunni fjölgar milli ára
• 00:16:57 Hádegisgjörningur í beinni
• 00:18:23 Íþróttir
• 00:20:23 Veður
• 00:20:36 Seinni helst

Útvarpsfréttir.