Hádegisfréttir

Hádegisfréttir 28. apríl 2025

Víðtækt rafmagnsleysi á Spáni og í Portúgal í morgun hefur haft mikil áhrif á samgöngur og fjarskipti. Yfirvöld rannsaka hvort gerð hafi verið netárás.

Rússar hafa boðað einhliða þriggja daga vopnahlé í Úkraínu um þar næstu helgi. Tilkynning Rússa kemur í kjölfar gagnrýni Bandaríkjaforseta á framferði Rússa í Úkraínu.

Maður sem ók bíl inn í mannmergð í Vancouver í Kanada í gær hefur verið ákærður fyrir manndráp. Ellefu voru drepnir, þar af stúlka á barnsaldri. Árásin setur mikinn svip á þingkosningar í landinu í dag.

Þingstörf hér heima hefjast í dag eftir páskafrí. Tugir mála bíða afgreiðslu á lokasprettinum.

Fiskistofa hefur afgreitt 723 umsóknir um leyfi til strandveiða í sumar. Veiðarnar mega hefjast fimmta maí. Ekki liggur fyrir hvert sækja á auknar veiðiheimildir vegna veiðanna sem mega standa í 48 daga.

Kafbátaeftirlitsæfing Atlantshafsbandalagsins hófst í Reykjavíkurhöfn í morgun. Fjögur herskip og tveir kafbátar taka þátt í æfingunni auk þyrlu og skips landhelgisgæslunnar.

Fram komst í gærkvöld í úrslit úrvalsdeildar karla í handbolta með sigri á FH, núverandi Íslands- og deildarmeisturum í tvíframlengdum leik. Njarðvík komst í úrslit í úrvalsdeild kvenna í körfubolta.

Frumflutt

28. apríl 2025

Aðgengilegt til

Rennur ekki út

• 00:01:36 Víðtækt rafmagnsleysi á Spáni og í Portúgal
• 00:04:54 Rússar setja skilyrði fyrir vopnahlé
• 00:05:53 Árásin í Vancouver ekki hryðjuverk
• 00:08:31 Úthlutun strandveiðileyfa
• 00:10:46 Verkamenn drepnir í árás Bandaríkjahers
• 00:11:26 Þingstörf hefjast á ný eftir páska
• 00:13:25 Áform um vikunám á Mýrdalssandi
• 00:15:24 NATO-æfing við Ísland
• 00:17:07 ESB og innri markaðurinn
• 00:18:05 Íþróttir

Útvarpsfréttir.