Hádegisfréttir

Hádegisfréttir 22. apríl 2025

Hjón sem tekið hafa að sér sautján ára kólumbískan dreng sem vísa á úr landi, hafa kært brottvísun hans. Sú kæra frestar þó ekki brottvísun. Tugir mótmæltu við dómsmálaráðuneytið í morgun.

Fjöldi þjóðarleiðtoga hefur boðað komu sína í útför Frans páfa, á laugardag. Nokkrir kardínálar þykja koma til greina sem arftakar, en ómögulegt að spá fyrir um hver tekur við.

Engir fyrrverandi stjórnmálamenn hafa verið skipaðir í stjórnir ríkisfyrirtækja eftir breytingar á vinnubrögðum við skipun. Stjórnum sex opinberra ríkisfyrirtækja hefur nánast verið skipt út í heild sinni.

Harvard-háskóli hefur lagt fram kæru gegn Bandaríkjastjórn vegna ákvörðunar Trumps forseta um að frysta fjárveitingar til skólans.

Eldsneytisverð er áfram hærra á Íslandi en í öðrum Evrópuríkjum. Veiking bandaríkjadollara og lækkun á heimsmarkaðsverði á olíu hafa ekki skilað sér í lækkun á bensíni og dísilolíu hér á landi.

Skrifstofa forseta Íslands segir forseta fyrir mistök hafa vísað til Frans páfa sem Pope Francis í færslu á Facebook. Hún hafi ætlað að merkja opinbera síðu páfans í færslunni.

Sólskin og stillt veður var á suðvesturhorni landsins um páskana og í dag. Veðurfræðingur segir að búast megi við að veðurblíðan verði minni við vikulok.

Frumflutt

22. apríl 2025

Aðgengilegt til

Rennur ekki út

• 00:00:00 Helst
• 00:01:34 Mótmæli vegna brottvísunar
• 00:04:09 Andlát páfa
• 00:06:16 Vera Illugadóttir í Róm
• 00:07:15 Stjórnmálamenn ekki stjórnarmenn
• 00:08:45 Bensínverð
• 00:10:38 Utanríkisráðherra um Ísrael og Eurovision
• 00:11:52 Ríkisafskipti af bandarískum háskólum
• 00:11:52 Harvard pistill
• 00:12:55 Ökklabönd
• 00:13:56 Offjölgun hreindýra í Suðursveit
• 00:16:08 Forsetaskrifstofan um mistök í færslu á Facebook
• 00:17:30 Veðurblíða um páskana
• 00:18:47 Íþróttir

Útvarpsfréttir.