Hádegisfréttir

Hádegisfréttir 4. apríl 2025

Vaxandi þrýstingur er innan Atlantshafsbandalagsins á að Ísland verji meira fé til varnar- og öryggismála, segir utanríkisráðherra. Hún sat fund utanríkisráðherra NATO-ríkjanna í Brussel í gær og í dag. Ráðherra boðar aukið samstarf við Evrópusambandið um varnarmál.

Kínversk stjórnvöld leggja hefndartolla á Bandaríkin í næstu viku. Nánast allar tölur á evrópskum hlutabréfamörkuðum eru rauðar og heimsmarkaðsverð á olíu hríðféll í morgun.

Framkvæmdastjóri Samtakanna '78 segir að fjöldi hinsegin fólks hafi leitað til samtakanna vegna ferðatakmarkana. Fólkið sé áhyggjufullt og hrætt.

Lögreglustjórinn á Suðurnesjum hefur opnað fyrir alla umferð til og frá Grindavík. Spennubreytingar vegna eldsumbrota á Sundhnúksgígaröðinni ollu skjálftahrinu við Kleifarvatn í gærkvöld.

Verið er að koma upp varnargarði við nýtt brúarstæði yfir Ölfusá. Áin er ólíkindatól, segir staðarstjórinn. Þar verður sprengt í næstu viku.

Foreldrar eiga alltaf að trúa barninu sínu, segja tíundu bekkingar sem hófu átak Barnaheilla í dag. Átakinu er ætlað að vekja fullorðna til vitundar um umfang kynferðisofbeldis gegn börnum.

Nýliðinn marsmánuður var hægviðrasamur og hlýr um allt land. Sólríkt var bæði í Reykjavík og á Akureyri og hiti yfir meðallagi.

Uppselt er á leik Íslands og Noregs í Þjóðadeild kvenna í fótbolta. Um tíma var tvísýnt hvort að uppselt yrði og þjálfarinn Þorsteinn Halldórsson sagði það skandal.

Frumflutt

4. apríl 2025

Aðgengilegt til

Rennur ekki út

• 00:01:36 NATO og útgjöld Íslands
• 00:05:18 Kínverjar setja á hefndartolla
• 00:07:04 Aðalhagfræðingur Íslandsbanka um tolla Trumps
• 00:07:58 Staðan í Grindavík
• 00:09:41 Ferðalög hinsegin fólks
• 00:11:46 Skorar á þingheim að standa með trans fólki
• 00:12:35 Brúarsmíðin við Ölfusá
• 00:14:43 Allir staðgenglar fjarverandi
• 00:15:32 Barnaheill krakka spjalla
• 00:17:26 Tíðarfar í mars
• 00:18:18 Íþróttir
• 00:19:52 Veður
• 00:20:25 Seinni helst

Útvarpsfréttir.