Hádegisfréttir

Hádegisfréttir 16. mars 2025

Bandaríkjaher er sagður hafa drepið minnst 31 í loftárásum á bækistöðvar Húta í Jemen. Árásirnar voru meðal annars gerðar á höfuðborg landsins.

Einn var úrskurðaður í gæsluvarðhald í morgun í tengslum við rannsókn lögreglu á andláti karlmanns sem fannst í Gufunesi á þriðjudag. Alls sitja sex í gæsluvarðhaldi vegna málsins, tvær konur og fjórir karlar.

Samgöngu- og sveitarstjórnarráðherra segir til skoðunar að gera breytingar á hafnarlögum eftir dóm Landsréttar í máli Vesturbyggðar og Arnarlax. Samkvæmt dóminum er sveitarfélögum óheimilt að innheimta aflagjald af eldisfiski.

Hátt í sextíu létu lífið og rúmlega 100 slösuðust þegar eldur kviknaði á skemmtistað í Norður-Makedóníu í nótt.

Tífalda þyrfti fé til sjóvarna á næstu árum til að koma í veg fyrir álíka tjón og varð í óveðri á Suðvesturlandi í byrjun mánaðarins. Þetta segir strandverkfræðingur hjá Vegagerðinni.

Umsóknum um alþjóðlega vernd á Íslandi hefur fækkað verulega undanfarin ár. Flestir sóttu um vernd hér árið 2022.

Formaður Leigjendasamtakanna fagnar frumvarpi stjórnvalda sem vilja herða reglur um skammtímaleigu á íbúðarhúsnæði. Breytingarnar hafi mildandi áhrif á leigumarkað.

Frumflutt

16. mars 2025

Aðgengilegt til

Rennur ekki út

• 00:00:00 Helst
• 00:01:31 Loftárásir á Jemen
• 00:04:33 Sex í gæsluvarðhaldi
• 00:05:04 Breytingar á hafnarlögum
• 00:06:47 Bruni í N-Makedóníu
• 00:08:16 Flóð
• 00:10:10 Óveður í USA
• 00:11:20 Dregur úr hælisumsóknum
• 00:13:14 Mótmæli í Serbíu
• 00:14:24 Skammtímaleiga afmörkuð við lögheimili
• 00:16:26 Dragon kominn til geimstöðvarinnar
• 00:16:58 Íþróttir

Útvarpsfréttir.