Hádegisfréttir

Hádegisfréttir 6. mars 2025

Utanríkisráðherra hefur óskað eftir samtali við Marco Rubio, utanríkisráðherra Bandaríkjanna, um varnar- og tollamál og hefur þegar rætt við varnarmálaráðherra Bandaríkjanna.

Aukafundur leiðtoga Evrópusambandsins í dag markar tímamót, ekki aðeins fyrir sambandið heldur einnig Úkraínu, segir forseti framkvæmdastjórnar ESB. Forseti Úkraínu er á fundinum og stefnt er að því að afgreiða milljarða evra hernaðarlegan stuðning við Úkraínu.

Tryggja verður flug til Vestfjarða og tíminn er naumur, mikið er í húfi fyrir atvinnulífið, segir framkvæmdastjóri Vestfjarðarstofu. Ríkið hafi skýra skyldu gagnvart landsbyggðinni.

Carbfix hyggst reisa móttökustöð fyrir koldíoxíð og hefja niðurdælingu þess, á Bakka við Húsavík. Sveitarstjóri Norðurþings óttast ekki að verkefnið fái sömu móttökur og í Hafnarfirði þar sem því hefur verið mótmælt.

Síðasta bréfið verður borið út hjá danska póstinum á þessu ári. Hætta á bréfasendingum á næsta ári og um 1500 starfsmenn PostNord missa vinnuna.

Óveður í byrjun febrúar er með þeim verstu á síðari árum. Óvenju hlýtt og blautt var í febrúar.

Bikarvika í blaki hefst í dag með undanúrslitaleikjum karla. Ljóst er að nýtt nafn verður ritað á bikarinn, Ríkjandi bikarmeistarar í Hamri eru úr leik.

Frumflutt

6. mars 2025

Aðgengilegt til

Rennur ekki út

• 00:01:37 Óundirbúinn á Alþingi
• 00:04:40 Leiðtogafundur ESB
• 00:06:57 Úkraínskir borgarar berskjaldaðri fyrir árásum
• 00:07:47 Ísafjarðarflugið
• 00:09:33 Vegabætur í Dynjandisheiði
• 00:11:01 Anna Kristín Arngrímsdóttir látin
• 00:11:41 Carbfix til Húsavíkur
• 00:13:47 Portúgal trauststillaga
• 00:14:18 Útburði bréfa hætt í Danmörku
• 00:15:41 Dómur í hryðjuverkamáli
• 00:16:08 Tíðarfar í febrúar
• 00:17:44 Grísum stolið á listasýningu
• 00:18:43 Íþróttir
• 00:20:49 Veður
• 00:21:04 Seinni helst

Útvarpsfréttir.