Hádegisfréttir

Hádegisfréttir 25. febrúar 2025

Ríkissáttasemjari hefur boðað allar samninganefndir í kjaradeilu kennara, ríkis og sveitarfélaga á fund í karphúsinu í dag. Ekki hefur verið fundur í deilunni síðan Samband íslenskra sveitarfélaga hafnaði innanhússtillögu ríkissáttasemjara.

Á áttunda tug grunnskólakennara í Garðabæ mótmæltu við ráðhús bæjarins í morgun og kröfðust þess að deilan yrði leyst. Minnst tíu kennarar hafa sagt upp störfum í sveitarfélaginu.

Samist gæti um frið í Úkraínu á næstu vikum segir forseti Frakklands, sem var gestur í Hvíta húsinu í gær. Trump ætlar að funda með Zelensky fljótlega.

Rússnesk stjórnvöld fagna afstöðu Bandaríkjanna við atkvæðagreiðslu um málefni Úkraínu á allsherjarþingi Sameinuðu þjóðanna í gær. Þau telja samstarf við Bandaríkin um námuvinnslu í Úkraínu vel hugsanlegt.

Móðir sem ákærð var fyrir að láta umskera barn sitt í heimahúsi á Akureyri var sýknuð í Héraðsdómi Norðurlands eystra í gær.

Fyrrverandi formaður Rafiðnaðarsambandsins fær greidd laun frá sambandinu fram á sumar ofan á þingfararkaup sitt. Fyrrverandi formaður VR segist þiggja biðlaun til að tryggja afkomu fjölskyldu sinnar.

Stærsti útvarpsþáttur Evrópu verður á dagskrá Rásar tvö í kvöld og fluttur samtímis á rásum um alla álfuna. Við lítum við í stúdíói 12 í fréttatímanum þar sem Elín Hall er í óða önn að taka upp framlag Íslands.

Ísland sækir Frakkland heim í kvöld í Þjóðadeild kvenna í fótbolta. Frakkland er með eitt sterkasta landslið heims.

Frumflutt

25. feb. 2025

Aðgengilegt til

Rennur ekki út

• 00:01:44 Kennaradeila og mótmæli
• 00:04:26 Macron og Trump um frið í Úkraínu
• 00:05:04 Kreml fagnar afstöðu Bandaríkjanna
• 00:07:01 Ragnar Þór og biðlaunin
• 00:09:15 Umskurðarmálið
• 00:09:49 Fyrirtaka í héraðsdómi
• 00:11:30 Loðnu landað í Neskaupstað
• 00:14:21 Diljá Mist boðar til fundar
• 00:15:07 Stærsti útvarpsþáttur Evrópu
• 00:16:59 Opið í Bláfjöllum
• 00:17:16 Þrír ákærðir fyrir stuld gullklósetts
• 00:18:23 Íþróttir

Útvarpsfréttir.