Hádegisfréttir

Hádegisfréttir 9. nóvember 2025

Forstjóri HS Orku segir koma mjög á óvart að fjármálaráðherra ætli að athuga eftir á hvort fyrirtæki eigi að bera hluta af kostnaði ríkissjóðs við gerð varnargarða. Ríkið hafi sjálft ákveðið að verja Svartsengi til að varna skaða á öllum fasteignum á Reykjanesskaga.

Vegna mikilla þurrka og vatnsskorts gæti þurft að flytja alla íbúa Teherans höfuðborgar Írans á brott. Eftir mestu þurrka í áratugi eru vatnsból borgarinnar að tæmast.

Jarðskjálfti af stærðinni 3,5 varð í Öskju í morgun. Jarðskjálftar af þessari stærð eru ekki mjög algengir þar.

Þúsundum flugferða hefur verið aflýst í Bandaríkjunum vegna lokunar alríkisstofnana. Flugmálayfirvöld vestra segja erfitt að manna flugturna á minnst 40 flugvöllum.

Umferðin á höfðborgarsvæðinu eykst um fimm prósent á ári og nauðsynlegt er að dreifa henni segir sérfræðingur hjá Vegagerðinni. Rannsóknir sýni að ferðatíminn lengist jafnt og þétt.

Verslanir eru í startholunum vegna dags einhleypra og sumar hafa þjófstartað tilboðunum. Landvernd hvetur fólk til að hugsa áður en það verslar á afsláttardögum.

Sæðisbanki í Danmörku útilokar sæðisgjafa með lága greindarvísitölu. Dósent í siðfræði segir varasamt að tengja háa greindarvísitölu við lífsgæði ófæddra barna.

Snævar Örn Kristmannsson úr Breiðabliki setti í dag heimsmet í fötlunarflokki í 50 metra flugsundi.

Frumflutt

9. nóv. 2025

Aðgengilegt til

Rennur ekki út

• 00:00:00 Helst
• 00:01:37 Varnargarðar - eiga fleiri en ríkið að borga
• 00:03:48 Vatnsleysi í Íran
• 00:05:12 Skjálfti í Öskju
• 00:05:44 Þúsundum flugferða aflýst í Bandaríkjunum
• 00:06:40 Ferðatafir
• 00:08:58 Píratar kjósa
• 00:09:27 Öryggismál Louvre trássuð
• 00:10:45 Tengdasonur Trumps fær að byggja lúxushótel á sögu
• 00:12:09 Afsláttarmánuðurinn mikli
• 00:13:58 Sæðisbanki krefst lágmarks gáfna
• 00:15:42 Íþróttir

Útvarpsfréttir.